02.08.2026 | 21:08
Շոգ եղանակին՝ առավել զգոնություն. ՍԱՏՄ-ի կոչը հանրային սննդի ոլորտի ներկայացուցիչներին և միջոցառումների կազմակերպիչներին
Կառավարությունը երկարաձգեց անհետ կորած զինծառայողների ընտանիքների սոցիալական աջակցության ժամկետը
Հասարակություն
13.03.2025 | 12:25
Կառավարությունը երկարաձգեց 2020 թվականի Արցախյան պատերազմում անհետ կորած զինծառայողների ընտանիքներին տրամադրվող սոցիալական աջակցության ժամկետը՝ մինչև մարտ ամիսը ներառյալ։ Այս հարցն ընդգծված էր կառավարության նիստի չզեկուցվող հարցերի փաթեթում։
Հիմնավորման մեջ նշվում է, որ ըստ գործող կարգավորման՝ 2020 թվականի դեկտեմբերին ընդունված որոշմամբ պետությունն ամեն ամիս 300 հազար դրամ էր տրամադրում անհայտ կորած զինծառայողների ընտանիքներին, սակայն աջակցության ժամկետը նախատեսված էր մինչև 2024 թվականի դեկտեմբեր։
Որոշման նախագծի ընդունման դեպքում շահառու հանդիսացող 22 անհետ կորած զինծառայողի ընտանիքի աջակցության տրամադրման ֆինանսական հաշվարկը փետրվար և մարտ ամիսների համար կազմում է 13.200.000 դրամ: Անհրաժեշտ միջոցները նախատեսվում է ներգրավել պետական բյուջեով՝ աշխատանքի և սոցիալական հարցերի նախարարությանը հատկացված միջոցների վերաբաշխումների միջոցով։
