08.09.2026 | 21:50
Գագիկ Խաչատրյանի միլիարդները մի բանակի ունեցվածք է․ ՀՀ-ի դեմ մեծ հանցագործություն է տեղի ունեցել․ Գուրգեն Սիմոնյան. ՏԵՍԱՆՅՈՒԹ
50 վարորդ ազատման դիմում է գրել և հեռացել․ ավագանու ընդդիմադիր անդամ
Հասարակություն
12.03.2025 | 15:43
«Երևանի ավտոբուս» ՓԲԸ-ի 50 վարորդ դիմում է գրել և հեռացել աշխատանքից։ Այս մասին ֆեյսբուքյան էջում գրել է Երևանի ավագանու «Մայր Հայաստան» խմբակցության ղեկավար Մանուկ Սուքիասյանը։
«Քիչ առաջ ահազանգ ստացանք, որ «Երևանի ավտոբուս» ՓԲԸ-ի 50 վարորդներ, ստանալով նախորդ ամսվա աշխատավարձը, տեսնելով, որ վարձատրվել են ակնկալվող գումարից պակաս չափով, դիմում են գրել և հեռացել աշխատանքից։ Խոսքը ZHONG TONG ավտոբուսների վարորդների մասին է։ Ըստ ահազանգող վարորդների՝ կապ չունի, 07։00 ես ավտոբուսով դուրս գալիս հավաքակայանից, թե ասենք՝ 07:25, միևնույնն է, դարպասի մոտ ֆիքսվում է 07։55, ինչի արդյունքում ժամավճարը նվազում է»,- գրել է ավագանու ընդդիմադիր անդամը։
Factor.am-ը դիմել է ընկերության խոսնակ Գեղամ Ասատրյանին, պատասխանը ստանալուն պես կհրապարակենք այն։
Արփի Հակոբյան
