10.12.2025 | 18:32
Արաղչին հանդիպել է ՀՀ-ում Իրանի նոր դեսպանին
«Արթիկ» ՔԿՀ-ում արգելված իրերի փոխանցում է կանխվել․ ներնետում կատարած քաղաքացին ենթարկվել է վարչական պատասխանատվության
Հասարակություն
12.03.2025 | 16:41
Մարտի 12-ին՝ ժամը 04։20-ի սահմաններում, ՀՀ ԱՆ «Արթիկ» քրեակատարողական հիմնարկի ծառայողները ծառայություն իրականացնելիս հիմնարկի պարսպի մոտ նկատել են քաղաքացու, որը ինչ-որ փաթեթ է ներնետել պարսպից ներս։ Ծառայողներն անմիջապես զննել են նշված հատվածը և հայտնաբերել ներնետված փաթեթը, որում առկա են եղել պլաստմասե շշի մեջ սպունգով փաթեթավորված 3 բջջային հեռախոս, wi-fi սարք և լիցքավորման լար, հաղորդում է ՀՀ ԱՆ Քրեակատարողական ծառայության հանրային կապերի բաժինը։
«Ներնետում կատարած քաղաքացին ենթարկվել է վարչական պատասխանատվության։
Քրեակատարողական ծառայությունը կոչ է անում քաղաքացիներին պատասխանատվության չենթարկվելու համար զերծ մնալ անօրինական գործողություններից»,- ասվում է հաղորդագրությունում։
