03.07.2026 | 12:52
ՌԴ-ից Ադրբեջանով 14 վագոն ցորեն է ուղարկվել Հայաստան
ԵԿՄ-ի 90 տոկոսը ՀՀԿ-ից էր, իսկ Մանվել Գրիգորյանից հետո տեղի ունեցավ առնետավազք․ Գագիկ Մելքոնյան․ ՏԵՍԱՆՅՈՒԹ
Քաղաքականություն
01.10.2018 | 13:58
Երկրապահը ոչ մեկի սեփականությունը չէ․ այն ստեղծվել է այն ժամանակ, երբ մեր երկիրը գտնվում էր պատերազմի մեջ․ այն ժամանակ բանակ չկար, հիմնականում գործում էին հատուկ գունդն ու ջոկատները՝ ԵԿՄ-ի կազմում, այնպես որ, անընդհատ չի կարել ԵԿՄ-ն բաժանել մասերի։ Այս մասին այսօր հրավիրված մամուլի ժամանակ ասաց «Ազատամարտիկների դաշինքի» անդամ, պաշտպանության նախկին փոխնախարար Գագիկ Մելքոնյանը։
Վերջինս ԵԿՄ-ի գործունեությունը բաժանեց երկու փուլի՝ Վազգեն Սարգսյանի ղեկավարման տարիներն ու դրանից հետոն և շեշտեց, որ սպարապետ Վազգեն Սարգսյանի ժամանակ խստիվ արգելված էր պաշտոնյաներին դառնալ ԵԿՄ վարչության անդամ՝ ինչը տեղի ունեցավ սակայն, Վազգեն Սարգսյանից հետո՝ Մանվել Գրիգորյանի ղեկավարման տարիներին։
«1999 թվականից, երբ ԵԿՄ նախագահ դարձավ Մանվել Գրիգորյանը, ԵԿՄ-ի վարչության անդամներ դարձան շատ պաշտոնյաներ, փոխնախարարներ, ուժային կառույցի ներկայացուցիչների, որից հետո սկսվեցին ԵԿՄ-ի մասնատման աշխատանքները»,- ասաց նա՝ նշելով, որ ԵԿՄ-ն Մանվել Գրիգորյանի ղեկավարման տարիներին սերտաճեց իշխանությանը և ԵԿՄ-ի վարչության անդամների մեծ մասը դարձան հենց Հանրապետական կուսակցության անդամներ։
Ըստ Գագիկ Մելքոնյանի՝ ԵԿՄ-ի 90 տոկոսը ՀՀԿ-ից էր, իսկ Մանվել Գրիգորյանի ձերբակալությունից հետո ԵԿՄ-ում տեղի ունեցավ առնետավազք։
«Միայն Սեյրան Սարոյանը չէր, ԵԿՄ վարչության 180 անդամից մնաց միայն 30-ը։ «Ազատամարտիկների դաշինքն» էլ տեսնելով, որ ԵԿՄ-ի վիճակը ծանր է՝ հայտարարություն արեց և որոշեց, որ այն ուժերը, որոնք վարկաբեկում են ԵԿՄ-ի անունը պետք է հեռանան՝ տեղը զիջելով այն մարդկանց, որոնք պատրաստ են ազնվորեն աշխատել»,- ասաց նա։
Մանրամասները՝ տեսանյութում։
