03.04.2026 | 10:08
ՀՀ տարածքում ավտոճանապարհները հիմնականում անցանելի են
Ռուբեն Վարդանյանի շինծու գործով դատական նիստին որպես վկա, իբր, Արցախում բնակվող հայ է ցուցմունք տվել
Քաղաքականություն
11.03.2025 | 15:29
Բաքվի զինվորական դատարանում Արցախի նախկին պետնախարար Ռուբեն Վարդանյանի շինծու գործերով ընթացող դատական նիստում լսվել է վկայի ցուցմունք, որը, իբր, Արցախում բնակվող հայ է։ Ըստ ադրբեջանական լրատվամիջոցների՝ վկան հայտնել է, որ Ռուբեն Վարդանյանը, իբր, Ստեփանակերտ է ժամանել 44-օրյա պատերազմից որոշ ժամանակ անց։
«Չգիտեմ՝ Ռուսաստանից է եկել, թե այլ երկրից»,- ասել է՝ նշելով, թե Վարդանյանը, իբր, միջոցներ է հատկացրել 45-50 տարեկան մարդկանց խմբավորումներ ստեղծելու համար՝ Ադրբեջանի դեմ պայքարելու նպատակով, և որ նրանք նաև վարձատրվել են։
Այնուհետեւ ընթերցվել է վկայի ցուցմունքը, որը նա տվել է Ադրբեջանի Պետական անվտանգության ծառայությունում նախաքննության ընթացքում։ Վկան հաստատել է այն։
Նիստը շարունակվելու է ընդմիջումից հետո։
Թարգմանությունը՝ Էմմա Չոբանյանի
