14.05.2026 | 14:16
Իսրայելը պնդում է՝ Նեթանյահուն գաղտնի այցելել է ԱՄԷ Իրանի հետ պատերազմի ժամանակ․ ԱՄԷ-ն հերքում է
Երբ քննիչ դարձա, իմ աշխատավարձը 100 դրամ էր. ՀԿԿ նախագահի թեկնածու․ ՏԵՍԱՆՅՈՒԹ
Հասարակություն
10.03.2025 | 13:56
«Ունեմ քրեական վարույթներով իրականացվող գործերի պաշտպանություն, որտեղ վարույթը նախաձեռնելուց հետո նույնիսկ վեց ամիս որևէ գործողություն չի իրականացվում»,- այս մասին Հակակոռուպցիոն կոմիտեի նախագահի ընտրության մրցույթի ժամանակ ասաց Կենտրոն վարչական շրջանի նախկին դատախազ, այժմ փաստաբան Կարեն Բատիկյանը։
Թեկնածուն հռետորական հարց բարձրացրեց, թե ով, ինչ պետք է աներ։
«Քննական մարմի ղեկավարն ունե՞ր արդյունավետություն կազմակերպելու իրավասություն, իհարկե, ուներ։ Հսկող դատախազն ունե՞ր օրինակության հսկողության հետ կապված ֆունկցիա։ Իհարկե, ուներ, բա ինչի՞ համար գործերը չեն շարժվում առաջ։ Հիմա կասեք՝ գործերը շատ են։ Իհարկե, շատ են, բայց ցանկության դեպքում հնարավոր է հաղթահարել»,-տեսակետ հայտնեց թեկնածուն։
Նա նշեց, որ հակակոռուպցիոն մարմնի աշխատակիցների աշխատավարձը հավասարեցվել է մասնավոր ոլորտի բարձ որակավորում ունեցողի աշխատավարձին։
Կարեն Բատիկյանն ասաց, որ ժամանակին, երբ քննիչ է եղել, իր աշխատավարձը 100 դրամ է եղել։
Մանրամասները՝ տեսանյութում։
