05.07.2026 | 16:43
Կրեմլը մանրամասներ է հայտնել Պուտինի և Թրամփի հեռախոսազրույցի բովանդակությունից
Փաշինյանն ու Ալեն Սիմոնյանը արծաթյա գրիչներ են նվեր ստացել
Քաղաքականություն
10.03.2025 | 11:56
ՀՀ վարչապետ Նիկոլ Փաշինյանը արծաթյա գրիչներ է նվեր ստացել։ Այս մասին Factor.am-ը տեղեկանում է Փաշինյանի ներկայացրած հայտարարագրից։ Գրիչների արժեքը գնահատվել է 232 հազար 904 դրամ։
Գրիչները «Waldmann-Edelfeder» ապրանքանիշի են՝ ձեռագործ աշխատանքեր, 925 հարգի արծաթ պարունակող։
Այս գրիչները Նիկոլ Փաշինյանին նվիրել է Հայաստան-ԵՄ խորհրդարանական գործընկերության կոմիտեի համանախագահ Նիլս Ուշակովսը։
Նույն պաշտոնյան նույն գրիչներից կրկին 232 հազար 904 դրամ արժեքով նվիրել է ԱԺ նախագահ Ալեն Սիմոնյանին։
Հիշեցնենք՝ «Հանրային ծառայության մասին» օրենքում կատարված փոփոխությունների արդյունքում սահմանվել են նվերներ ընդունելու վերաբերյալ նոր կանոններ։ Ըստ այդ կարգավորումների՝ պետությանը կամ համայնքին են հանձնվում պետական, պաշտոնական այցերի, միջոցառումների, ինչպես նաև աշխատանքային այցերի, գործուղումների շրջանակներում տրվող նվերները, եթե դրանց արժեքը գերազանցում է 60.000 ՀՀ դրամը:
Նարեկ Կիրակոսյան
