Բանջարեղենի ու սուրճի գները ռեկորդներ են սահմանում․ որքան աճ է գրանցվել փետրվարին

Այս տարվա փետրվարին նախորդ տարվա նույն ամսվա համեմատ Հայաստանում սպառողական գների ինդեքսն աճել է 2,5 %-ով։ Այս մասին Factor.am-ը տեղեկանում է ՀՀ վիճակագրական կոմիտեից։

Փետրվարին նախորդ տարվա նույն ամսվա համեմատ հանրապետությունում արձանագրվել է սննդամթերքի և ոչ ալկոհոլային խմիչքի 4.5%, իսկ 2025թ. հունվարի համեմատ՝ 0.5% գնաճ:

1 տարում ամենաշատը թանկացել է բանջարեղենը՝ 20,4 %-ով, երկրորդ տեղում ձուկն ու ծովամթերքն է՝ 16,2 %-ով, երրորդ տեղում՝ սուրճը, թեյն ու կակաոն ՝ 16,6 %-ով։

12-ամյսա կտրվածքով հանրապետությունում գրանցվել է բրնձի 1.8%, հացի 2.8%, ալյուրի 4.3%, իսկ 2025թ. հունվարի համեմատ՝ համապատասխանաբար 1.6%, 0.3%, 0.3% գնաճ:

Մարգարինի գինը 2025թ. փետրվարին 2024թ. փետրվարի համեմատ նվազել է 5.3%-ով, մակարոնեղենինը՝ 2.6%-ով, տավարի մսինը՝ 1.3%-ով, իսկ 2025թ. հունվարի համեմատ գրանցվել է համապատասխանաբար 0.9%, 0.4%, 0.1% գնաճ:

2025թ. փետրվարին 2024թ. փետրվարի համեմատ ոչխարի մսի և «Իշխան» ձկնատեսակի գներն աճել են և 4.6% և 17.7%- ով, իսկ 2025թ. հունվարի համեմատ՝ 0.5% և 4.3%-ով:

Թեյի գինը 2025թ. փետրվարին 2024թ. փետրվարի համեմատ աճել է 6.7%-ով, շոկոլադինը՝ 10.3%-ով, կարագինը՝ 13.4%-ով, սուրճինը՝ 17.1%-ով, իսկ 2025թ. հունվարի համեմատ՝ համապատասխանաբար 0.8%, 2.8%, 1.0%, 0.4%-ով:

Միաժամանակ, 2025թ. փետրվարին 2024թ. փետրվարի համեմատ պանրի գինը նվազել է 5.4%-ով, խոզի մսինը՝ 3.4%-ով, հրուշակեղենինը՝ 1.8%-ով, իսկ 2025թ. հունվարի համեմատ՝ համապատասխանաբար 0.2%, 0.3% և 0.6%-ով:

Ձվի գինը 2025թ. փետրվարին 2024թ. փետրվարի համեմատ նվազել է 6.1%-ով, իսկ 2025թ. հունվարի համեմատ՝ 3.5%-ով:

2025թ. փետրվարին 2024թ. փետրվարի համեմատ արևածաղկի բուսական յուղի գինն աճել է 15.4%-ով, իսկ 2025թ. հունվարի համեմատ գրանցվել է 0.6% գնանկում:

Շաքարի և շաքարավազի ապրանքախմբում 2025թ. փետրվարին 2024թ. փետրվարի համեմատ արձանագրվել է 5.8%, իսկ 2025թ. հունվարի համեմատ՝ 1.0% գնանկում:

Բանջարեղենի ապրանքախմբում 2025թ. փետրվարին 2024թ. փետրվարի համեմատ արձանագրվել է 20.4%, իսկ 2025թ. հունվարի համեմատ՝ 2.1% գնաճ: