13.01.2026 | 18:59
Համոզված եմ, որ այլևս պատերազմ չի լինի. Ալիև
Դա պայքարի կոչ էր, նա երբեք չի հանձնվելու. Մանե Թանդիլյանը` Ռուբեն Վարդանյանի աուդիոուղերձի մասին․ ՏԵՍԱՆՅՈՒԹ
Հասարակություն
07.03.2025 | 16:25
«Դա պայքարի կոչ էր, նա երբեք չի հանձնվելու, երբեք չի ընկճվելու», – Արցախի նախկին պետնախարար Ռուբեն Վարդանյանի՝ Բաքվի բանտից տարածած ձայնային հաղորդագրության մասին նման կարծիք է հայտնում «Ապրելու երկիր» կուսակցության համահիմնադիր Մանե Թանդիլյանը։
«Ուղերձում ամենակարևոր մեսիջներից լսում ենք անտարբեր չլինելու, չհուսահատվելու և պայքարելու մեսիջը։ Նա ուզում է, որ հայ ժողովուրդը չընկճվի և կապ չունի արժանապատվության գինը, պահպանի իր արժանապատվությունը իր հավաքական կերպարը, և ձգտի մեզ հարիր խաղաղության։ Խաղաղությունը որին մենք պետք է ձգտենք, պետք է լինի հարատև, այն չի կարող լինել թղթի կտոր»,- ասում է Թանդիլյանը։
Բաքվի բանտում գտնվող Արցախի նախկին պետնախարար Ռուբեն Վարդանյանի ֆեյսբուքյան էջում այսօր տարածվել է ձայնային հաղորդագրություն։ Կից գրառման մեջ նշվում է, որ Վարդանյանը ընտանիքի հետ հեռախոսազրույցի ժամանակ է խնդրել ձայնագրել իրեն և հրապարակային դարձնել այն:
Հիշեցնենք, Ռուբեն Վարդանյանը արդեն 18 օր է, ինչ հացադուլի մեջ է։ Արցախի նախկին պետնախարարն այդպիսով իր բողոքն է հայտնում դատական ֆարսի առնչությամբ։
Ռուբեն Վարդանյանին հացադուլից հրաժարվելու հորդորով մարտի 1-ից Ազատության հրապարակում հացադուլ է սկսել Մանե Թանդիլյանը ։
Մանրամսները՝ տեսանյութում։
Անի Թամրազյան
