04.04.2026 | 20:03
ՃՏՊ՝ հրդեհի բռնկմամբ
Ղարիբ Բաբայանի նկատմամբ ընտրված սահմանափակումները կվերացվեն․ պաշտպան
Հասարակություն
07.03.2025 | 13:47
Ղարիբ Բաբայանի նկատմամբ ընտրված սահմանափակումները կվերանան։ Այս մասին հայտնում է նրա պաշտպան Աբգար Պողոսյանը։ Նշենք, որ սահմանափակվել էր նրա հրապարակային խոսքը և սահմանվել վարչական հսկողություն։
«Վերաքննիչ քրեական դատարանը՝ նախագահությամբ Արսեն Նիկողոսյանի, բավարարել է պաշտպանական կողմի բողոքը Ղարիբ Բաբայանին առնչվող վարույթով՝ արձանագրելով հիմնավոր կասկածի բացակայությունը»,- գրել է Պողոսյանը։
Հիշեցենենք՝ Ղարիբ Բաբայանը մեղադրվում էր ՀՀ Քրեական օրենսգրքի 329 հոդվածի 2-րդ մասով նախատեսված արարք կատարելու մեջ։ Ըստ քննչական մարմնի՝ նա ՀՀ իշխանությունների և ՀՀ ոստիկանության ծառայողների նկատմամբ քաղաքական և այլ հայացքներով, անձնական ու սոցիալական բնույթի այլ հանգամանքներով պայմանավորված ատելություն, խտրականություն, անհանդուրժողականություն և թշնամանք հրահրելու նպատակով տեղեկատվական հաղորդակցական տեխնոլոգիաների օգտագործմամբ կատարել է դրան ուղղված հրապարակային խոսք, ինչպես նաև այդ նպատակով տարածել է նյութ։
Հավելենք, որ Ղարիբ Բաբայանը ձերբակալվել էր փետրվարի 1-ին, նրան կալանավորելու միջնորդություն էր ներկայացվել, որը մերժվել էր։
Հունվարի 30-ին հրապարակվել էր տեսանյութ, որում Հանրապետության հրապարակում մի խումբ քաղաքացիներ ադրբեջաներենով երգում են «Իմ Ղարաբաղ» երգը: Հետո ԱԱԾ-ն հայտարարություն տարածեց այն մասին, որ նրանք Իրանի Իսլամական Հանրապետության քաղաքացիներ են։ Ղարիբ Բաբայանը տարածել էր այդ ամենի տեսագրությունը։
Արփի Հակոբյան
