06.04.2026 | 22:03
Թրամփը չի ստորագրել Իրանի հետ հրադադարի համաձայնագրի առաջարկի տակ. Սպիտակ տան պաշտոնյա
Ապրիլի 1-ից մինչև հունիսի 13-ը վարժական հավաքներ կանցկացվեն
Հասարակություն
06.03.2025 | 11:33
Ապրիլի 1-ից մինչև հունիսի 13-ը ՀՀ-ում կանցկացվեն վարժական հավաքներ։ Համապատասխան որոշումն ընդունվեց կառավարության այսօրվա նիստում չզեկուցվող հարցերի փաթեթում։
Որոշման նախագծում նշվում է, որ վարժական հավաքները կանցկացվեն պահեստազորի առաջին խմբի առաջին և երկրորդ կարգերում հաշվառված շարքային, ենթասպայական և սպայական կազմերի պահեստազորայինների շրջանում։
Կառավարության հիմնավորման համաձայն՝ վարժական հավաքները հայտարարվում են պահեստազորայինների ռազմական ունակությունների կատարելագործման, մասնագիտական վերապատրաստման և պատրաստման, բարձրագույն կրթություն ունեցող ենթասպայական կազմից պահեստազորի սպաների պատրաստման, մարտական հերթապահության ներգրավման նպատակով։
Նշենք, որ վարժական հավաքների ընթացքում յուրաքանչյուր քաղաքացի ներգրավվում է ոչ ավելի, քան 25 օրացուցային օր ժամկետով:
