13.05.2025 | 15:00
Եղոյանը՝ Փաշինյանի կողմից ընդդիմադիրներին «համբալ» ասելու մասին // Ակցիա Վրաստանի դեսպանատան դիմաց․ ԼՈՒՐԵՐ
ՌԴ դատարանը Կուրսկի մարզում ուկրաինական ուժերի կազմում կռված բրիտանացուն 19 տարվա ազատազրկման է դատապարտել
Քաղաքականություն
05.03.2025 | 21:19
ՌԴ 2-րդ Արևմտյան շրջանի զինվորական դատարանը 19 տարվա ազատազրկման է դատապարտել 22-ամյա բրիտանացի Ջեյմս Սքոթ Ռիս Անդերսոնին, որը կռվել է Կուրսկի մարզում Ուկրաինայի զինված ուժերի կազմում, գրում է Meduza-ն։
Անդերսոնին մեղադրանք է առաջադրվել վարձկանության (Քրեական օրենսգրքի 359-րդ հոդվածի 3-րդ մաս) և ահաբեկչության համար (Քրեական օրենսգրքի 205-րդ հոդվածի 2-րդ մասի «ա» և «բ» կետեր): Առաջին հինգ տարիները նա պետք է անցկացնի բանտում, իսկ հաջորդ տարիները՝ խիստ ռեժիմի գաղութում։
Գործը քննվել է փակ ռեժիմով։ Որպես վկա հարցաքննվել է Ուկրաինայի զինված ուժերի զինծառայողը, որը ծառայել է Անդերսենի հետ նույն զորամասում։
Ըստ դատարանի հաղորդման՝ նիստերի ժամանակ բրիտանացին ընդունել է առաջադրված մեղադրանքը։ Դատախազները Անդերսոնի համար խնդրել են 20 տարվա ազատազրկում։
Անդերսոնն առաջին օտարերկրացիներից է, որը գերի է ընկել Ուկրաինայի զինված ուժերի՝ Կուրսկի շրջան ներխուժելուց հետո։
Բրիտանիայի իշխանությունները դեռևս չեն մեկնաբանել դատավճիռը։
Թարգմանությունը՝ Էմմա Չոբանյանի
