08.09.2026 | 22:18
Ֆրանսիան, Մեծ Բրիտանիան և ևս 10 երկիր արգելել են Արևմտյան ափի իսրայելական բնակավայրերից ապրանքների ներմուծումը
ՀՀ օրհներգի տողերի դասավորությունը կփոխվի. ԱԺ-ն օրենքն ընդունեց ամբողջությամբ
Քաղաքականություն
05.03.2025 | 13:04
Ազգային ժողովն այսօր 64 կողմ, 5 դեմ, 0 ձեռնպահ ձայներով 2-րդ ընթերցմամբ և վերջնականապես ընդունեց «Հայաստանի Հանրապետության օրհներգի մասին» օրենքում փոփոխություններ կատարելու մասին նախագիծը։
«Հայաստան» խմբակցության ղեկավար Սեյրան Օհանյանը վարման կարգով ձայն խնդրեց և հայտարարեց, որ չեն մաանակցի քվեարկությանը` հետագայում հանդես են գալու նոր փոփոխությունների նախագծով։
Նշենք, որ ՀՀ օրհներգում փոփոխություններ կատարելու առաջարկն արել էին ԱԺ նախագահ Ալեն Սիմոնյանը, «Քաղաքացիական պայմանագիր» խմբակցության պատգամավորներ Սիսակ Գաբրիելյանն ու Թագուհի Ղազարյանը։
Ըստ հեղինակների` նախագիծն ուղղված է ՀՀ օրհներգի նկատմամբ միասնական ստանդարտ հաստատելուն՝ հստակեցնելով տեքստը, երաժշտությունը, տևողությունն ու այլ մանրամասներ։
Հիմնական նպատակը օրհներգի նկատմամբ միասնական մոտեցում ապահովելն է։
«Մենք պետք է հստակ իմանանք, թե որն է ՀՀ օրհներգը, ինչ տեքստով, ինչ երաժշտությամբ և ինչ նրբերանգներով»,-նշել էր Գաբրիելյանը:
Օրհներգը կավարտվի Հայաստանի մասին խոսքերով`«Թող միշտ պանծա Հայաստան» տողով:
