23.04.2026 | 19:14
Մեր վարչապետի թեկնածուն Վաղարշակ Հարությունյանն է. Ռեֆորմիստներ կուսակցության նախագահ. ՏԵՍԱՆՅՈՒԹ
Քաղաքապետարանը մտածում է
Տնտեսություն
05.03.2025 | 13:10
Երևանի քաղաքապետարանին 30 օր ժամանակ է անհրաժեշտ իր կազմակերպած մրցույթի մասին հարցերին պատասխանելու համար։ Խոսքը Կասկադ համալիրի վերակառուցման մրցույթի մասին է, որի հաղթողին քաղաքապետ Տիգրան Ավինյանը հայտարարեց փետրվարի 24-ի գործակարգավարական խորհրդակցության ժամանակ։
Factor TV-ն քաղաքապետարանին, մասնավորապես, հարցրել է․
1․ «Կասկադ մշակութային հանգույց» ճարտարապետական նախագծի իրականացման համար հայտարարված մրցույթին ո՞ր կազմակերպությունները կամ կոնսորցիումներն են հայտեր ներկայացրել, ի՞նչ գնային առաջարկներով և ծրագրի իրականացման ի՞նչ ժամկետներով (կոնսորցիումի դեպքում խնդրում եմ նշել դրա բոլոր անդամ կազմակերպությունների անունները)։
- Մրցույթի մասնակիցներին ի՞նչ պայմաններ են առաջադրվել, և ինչո՞ւ է հաղթող ընտրվել «Ջի Թի Բի դիվելոփմենթ» ՍՊԸ-ի ներկայացրած կոնսորցիումը։
- Նախագծի ֆինանսավորումն ինչպե՞ս է իրականացվելու։
- Նախագծի իրականացումից հետո ի՞նչ է ստանալու հաղթած կոնսորցիումը՝ ի՞նչ մակերեսով տարածք, ի՞նչ արտոնություններ, ի՞նչ գործունեություն է իրականացնելու մշակութային հանգույցում։ Որևէ այլ ընկերության գործունեություն տարածքի այդ հատվածում բացառվելո՞ւ է։
- Արդյո՞ք խնդիր չեք տեսնում, որ «Ջի Թի Բի դիվելոփմենթ» ՍՊԸ-ն ստեղծվել է ընդամենը ամիսներ առաջ՝ 24․10․2024-ին, ի՞նչ երաշխիք, որ այն կկարողանա պատշաճ իրականացնել նախագիծը։
Պարզվում է՝ արդեն կայացած մրցույթի վերաբերյալ այս հարցերին պատասխանելու համար քաղաքապետարանին «անհրաժեշտ է կատարել լրացուցիչ աշխատանք», ինչի պատճառով էլ «հարցման պատասխանը կտրամադրվի 30-օրյա ժամկետում»:
Գայանե Խաչատրյան
