20.03.2026 | 19:43
Ազդում է Մոսկվայի շահերի վրա. ՌԴ ԱԳՆ-ն մեկնաբանել է Կասպից ծովում Իրանի նավահանգստին Իսրայելի հարվածների մասին
Ինչպես է Ղազարյանը Իսակովի հողերը վաճառել Ռոբերտ Քոչարյանին. ընթերցվեց Ղազարյանի մեղադրանքը․ ՏԵՍԱՆՅՈՒԹ
Հասարակություն
04.03.2025 | 14:48
Հայաստանի երրորդ նախագահ Սերժ Սարգսյանի անվտանգության ծառայության նախկին պետ Վաչագան Ղազարյանի գործով հանրային մեղադրող Գորիկ Հովակիմյանն այսօր հանդես եկավ բացման խոսքով կամ այլ կերպ՝ ներկայացրեց Վաչագան Ղազարյանի մեղադրական եզրակացության եզրափակիչ մասը:
Ղազարյանին վերագրվում է 2 դրվագ՝ պաշտոնեական դիրքը ծառայության շահերին հակառակ օգտագործելու դրդչություն, որն անզգուշությամբ առաջացրել է ծանր հետևանք և 2 դրվագ՝ պաշտոնեական դիրքը՝ ծառայողական լիազորությունները և դրանով պայմանավորված ազդեցությունն օգտագործելով հանցավոր ճանապարհով ստացած առանձնապես խոշոր չափերի գույքն օրինականացնելը:
Ըստ մեղադրանքի՝ պաշտոնեական դիրքը ծառայության շահերին հակառակ օգտագործելու դրդչության արդյունքում Վաչագան Ղազարյանն Իսակովի պողոտայում գույք է ձեռք բերել, որի գնորդը, սակայն, ձևակերպվել է ոչ թե Ղազարյանը, այլ նրա ազգական Արմեն Մկրտումյանը: Որպես փողերի լվացում որակվել է այն հանգամանքը, որ հետագայում Արմեն Մկրտումյանի անվամբ ձեռք բերված հողատարածքը մասնատվել է մի քանի կտորի և վաճառվել այն անձանց, որոնց մեջ ևս, ըստ գործի, եղել են Ղազարյանին մտերիմ անձինք: Հետագայում այս հողակտորները ևս վաճառվել են, ու մի մասն, ըստ մեղադրանքի կողմի, ձեռք է բերել Հայաստանի երկրորդ նախագահ Ռոբերտ Քոչարյանը:
Արաքս Մամուլյան
