Քաղաքականություն
03.03.2025 | 16:33
ՄԱԿ-ի Մարդու իրավունքների գերագույն հանձնակատար Վոլկեր Թյուրկը Մարդու իրավունքների խորհրդի 58-րդ նիստում անդրադարձել է Ադրբեջանում պահվող հայ գերիների խնդրին և կոչ արել անհապաղ ազատ արձակել նրանց։
«Ես ուշադիր հետևում եմ Հայաստանի և Ադրբեջանի միջև ընթացող խաղաղ բանակցություններին՝ հուսալով, որ դրանք կհանգեցնեն ճշմարտության, ապաքինման և հաշտեցման գործընթացին»,- ասել է Թյուրկը։
Նա նշել է, որ պատրաստ են աջակցություն ցուցաբերել կողմերին։
«Ադրբեջանում կամայականորեն ձերբակալված բոլոր անձինք, ներառյալ՝ էթնիկ հայերը, պետք է անհապաղ ազատ արձակվեն, արդար դատավարության իրավունքը պետք է լիարժեք հարգվի»,- հայտարարել է ՄԱԿ-ի Մարդու իրավունքների գերագույն հանձնակատարը։
Թարգմանությունը՝ Էմմա Չոբանյանի
