04.08.2026 | 21:56
Չեմպիոնների լիգա․ «Արարատ-Արմենիան» կամային հաղթանակ տարավ «Ցելյեի» նկատմամբ. ՏԵՍԱՆՅՈՒԹ
Ադրբեջանում հերթական լրագրողն է ձերբակալվել
Քաղաքականություն
28.02.2025 | 20:43
Ադրբեջանի իշխանությունները հերթական լրագրողին են ձերբակալել՝ Ֆաթիմա Մովլամլիին։ Տեղական լրատվամիջոցների հաղորդմամբ՝ նա ձերբակալվել է Meydan TV-ի աշխատակիցների դեմ հարուցված քրեական գործով։ Տեղեկությունը հաստատել են ՆԳՆ մամուլի ծառայությունից։
Մովլամլին դարձել է Meydan TV-ի գործով ձերբակալված 10-րդ լրագրողը։
Օրերս այս լրատվամիջոցի գործով ձերբակալվել էր նաև լրագրող Նուրլան Լիբրեն։
Meydan TV-ի լրագրողները ձերբակալվել են 2024 թվականի դեկտեմբերի 6-ին։ Բոլորին մեղադրանք է առաջադրվել Ադրբեջանի քրեական օրենսգրքի 206.3.2 հոդվածով (մաքսանենգություն, որը կատարվել է մի խումբ անձանց կողմից նախնական համաձայնությամբ):
Meydan TV-ն ու կալանավորված լրագրողները հերքում են մեղադրանքները։ Նրանք պնդում են, որ ձերբակալվել են լրագրողական գործունեության համար և ենթարկվել ճնշումների՝ կապված իրենց մասնագիտական գործունեության հետ։ 2025 թվականի փետրվարի 5-ին Meydan TV-ի մեկ այլ աշխատակից, ինչպես նաև «argument.az» կայքի գլխավոր խմբագիր Շամշադ Աղան նույնպես ձերբակալվել են նույն մեղադրանքով։
Ընդհանուր առմամբ, 2023 թվականի նոյեմբերից Ադրբեջանում մաքսանենգության մեղադրանքով կալանավորվել են շուրջ 30 լրագրողներ և հասարակական ակտիվիստներ։ Նրանցից ոչ ոք չի ընդունում մեղքը և իր ձերբակալությունը կապում է մասնագիտական գործունեության ու քաղաքական պատվերների հետ։
Թարգմանությունը՝ Էմմա Չոբանյանի
