24.06.2026 | 23:56
Հրդեհ Վարդաշեն 6-րդ փողոցի շենքերից մեկում. մեկ անձ դիմել է բուժօգնության, տարհանվել է 12 քաղաքացի
Դատախազությունը որևէ տեղեկություն չունի Վարդան Ղուկասյանի ձերբակալման վերաբերյալ
Հասարակություն
28.02.2025 | 12:55
Դատախազությունը որևէ տեղեկություն չունի ԴՕԿ կուսակցության հիմնադիր նախագահ Վարդան Ղուկասյանի ձերբակալման վերաբերյալ։ Այս մասին Factor TV-ի հարցին ի պատասխան հայտնեցին ՀՀ գլխավոր դատախազությունից։
Նշենք, որ այսօր Հետքը գրել է այն մասին, որ Ղուկասյանն այժմ ձերբակալված է և գտնվում է Լաս Վեգասում ՝ Հենդերսոն ձերբակալվածների պահման վայրում (HENDERSON DETENTION CENTER):
«ԱՄՆ Միգրացիոն և մաքսային ոստիկանության (ICE) կայքի որոնման համակարգով հնարավոր է գտնել ձերբակալված անձանց՝ ըստ նրանց անձնական տվյալների։
Հենց այս համակարգի միջոցով ենք գտել Վարդան Ղուկասյանի ձերբակալման մասին տեղեկատվությունը։
Վերջին շրջանում Թրամփի՝ ԱՄՆ-ում ապօրինի միգրանտների դեմ տարվող քաղաքականության շրջանակներում արդեն ձերբակալվել և արտաքսվել են հազարավոր միգրանտներ։
Վադան Ղուկասյանը մի քանի անգամ տարբեր հայտարարություններով իր աջակցությունն է հայտնել Թրամփի և Իլոն Մասկի որոշումներին։
Վարդան Ղուկասյանի հնարավոր արտաքսման մասին տեղեկատվություն դեռ չկա»,- գրել է լրատվամիջոցը։
Նշենք, որ Ղուկասյանը անցել է նաև ՀՀ-ում քննվող քրեական գործերով, սակայն այս պահին որևէ գործով անցնում է, թե ոչ, նրա նկատմամբ հետախուզում առկա է, թե ոչ, մեզ հայտնի չէ․ Դատախազությունից այդ հարցերին պատասխանելու համարվմեզ հորդորեցին գրավոր հարցում ուղարկել։
