06.10.2026 | 10:07
Եղիշե Մելիքյանը՝ Չեռնոգորիայի հավաքականի հետ ոչ-ոքիի մասին. ՏԵՍԱՆՅՈՒԹ
Բացահայտվել է հանցագործության 110 դեպք․ ՆԳՆ
Հասարակություն
28.02.2025 | 13:43
Ըստ ոստիկանության օպերատիվ հաղորդագրությունների ամփոփագրերի՝ փետրվարի 26 ից 27-ը ՆԳՆ ոստիկանության ստորաբաժանումները բացահայտել են հանցագործության 110 դեպք, որոնցից 3-ը՝ նախկինում կատարված․ տեղեկացնում են ՆԳՆ ոստիկանությունից։
Մասնավորապես՝ տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու` 19, թմրանյութի հայտնաբերման՝ 12, մարմնական վնասվածք պատճառելու և խարդախության՝ 8-ական, ֆիզիկական ներգործության՝ 7, անձնական ունեցվածքի գողության՝ 6, պարտադիր զինվորական կամ այլընտրանքային ծառայությունից խուսափելու՝ 5, հոգեկան ներգործության, պաշտոնեական լիազորությունների չարաշահման ու պետական սահմանն ապօրինի հատելու՝ 4-ական, աշխատանքի պաշտպանության կանոնները խախտելու՝ 3, դրամանենգության, խուլիգանության, թմրանյութի իրացման, սառը զենքի հայտնաբերման և իրացման նպատակով կեղծ ալկոհոլային խմիչքների, մանկական սննդի, կենսաբանական ակտիվ հավելումների, դեղերի, բժշկական արտադրատեսակների կամ դեղագործական արտադրանքների շրջանառության՝ 2-ական, խոշտանգման, սեքսուալ բնույթի բռնի գործողության, կողոպուտի, պետական ունեցվածքի գողության, բնակարանային գողության, ապօրինի ձեռնարկատիրական գործունեության, համակարգչային հափշտակության, բուժաշխատողի կողմից մասնագիտական պարտավորությունները չկատարելու, ծառերը, թփերը ապօրինի հատելու, ալիմենտ վճարելուց խուսափելու, անօրինական միգրացիայի կազմակերպման, չարաշահումները հրապարակային սակարկություններ կամ գնումներ անցկացնելու, անձի տիրապետությունից դուրս եկած գույքին տիրանալու, ծնողի կամ այլ մերձավոր ազգականի և երեխայի միջև տեսակցության իրականացմանը խոչընդոտելու, ինքնիրավչության ու հրազենի, դրա հիմնական բաղկացուցիչ մասերի, ռազմամթերքի և այլ նյութերի, սարքերի, առարկաների ապօրինի շրջանառության՝ 1-ական դեպք։
Նախկինում կատարված հանցագործություններից բացահայտվել է բնակարանային գողության, ֆիզիկական ներգործության ու շորթման 1-ական դեպք։
Հայտնաբերվել է 9 հետախուզվող, կամավոր ներկայացել՝ 2-ը։
Գրանցվել է զենք-զինամթերքի կամավոր հանձնման 4 դեպք։
Անցած 1 օրվա ընթացքում հանրապետությունում արձանագրվել է զոհերով և մարմնական վնասվածքներով ճանապարհատրանսպորտային 8 պատահար․ 1 մարդ զոհվել է, 11-ը՝ ստացել տարբեր աստիճանի մարմնական վնասվածքներ։
