21.01.2026 | 23:30
Ինչ իրավիճակ է Հայաստանի ճանապարհներին և Լարսում
Երևանում համտեսեցին աշխարհի ամենամեծ գաթան
28.09.2018 | 17:13
60 մ երկարությամբ և 368․6 կգ քաշով․ աշխարհի ամենամեծ գաթան Երևանում է։ Նախաձեռնողը «Երեմյան փրոջեքթս» ընկերությունն է։ Գաթան պատրաստել են մայրաքաղաքի 2800-ամյակին ընդառաջ։
«Երեմյան փրոջեքթս»-ի շեֆ-հրուշակագործ, գաթայի ստեղծման ընթացքը ղեկավարած Անահիտ Միքայելյանն իր ձեռքով կտրում է առաջին կտորն ու հյուրասիրում Գինեսի ռեկորդների գրասենյակի ներկայացուցիչ Ջոանա Մարի Բրենտին։ Ջոանան Երևանում է՝ ամենամեծ գաթան Գինեսի ռեկորդների գրքում գրանցելու հատուկ նպատակով։ Երևանում առաջին անգամ է․ քաղաքը շատ է հավանել, գաթայի համը՝ նույնպես։
Գաթան ռեկորդների շարքում ընդգրկելու առաջին նախապայմանը քաշն է՝ առնվազն 18 կգ։ Մինչդեռ ավանդական աղանդերի քաշը գերազանցում է 368 կգ-ը։ Սա աննախադեպ երևույթ Է։ Անուշաբույր գաթան նման չէ ավանդականին․ պատրաստվել է 24 ժամում և հատուկ բաղադրատոմսով՝ չրերով ու ընկույզով։ Առավոտից Կարապի լճի մոտակայքում հավաքված երևանցիներն ու զբոսաշրջիկները ոգևորված ու գաթայի համից հիացած են հեռանում։
Օրը հաջողված է․ նոր ռեկորդի ականատես դարձան, ամենամեծ ու ամենահամեղ գաթայից էլ մի կտոր համտեսեցին։
