25.05.2026 | 21:42
Օսիպյանը քաղբանտարկյա՞լ․ արցախցի գործիչը հացադուլի մեջ է, քաղհասարակությունը պահանջում է ազատել նրան․ ՏԵՍԱՆՅՈՒԹ
2024 թվականին Հայաստանում սպառվել է գրեթե 45 մլն լիտր ալկոհոլ
27.02.2025 | 16:30
Անցած տարի Հայաստանում վաճառվել է 44 մլն 848.8 հազար լիտր ալկոհոլ։ Ըստ Վիճակագրական կոմիտեի տվյալների՝ 2024թ. հունվար-դեկտեմբերի ընթացքում Հայաստանում սպառվել է 6 մլն 963.2 հազար լիտր գինի, 715․9 հազար լիտր կոնյակ, 1 մլն 993․4 հազար լիտր օղի, 35 մլն 176․3 հազար լիտր գարեջուր։
Ինչպես երևում է ինֆոգրաֆիկայից, 10 տարի առաջ Հայաստանում 637.9 հազար լիտրով պակաս ալկոհոլ է սպառվել, սակայն այն ժամանակ նաև մշտական բնակչության թիվն էր 77․2 հազարով քիչ։
Ուշագրավ է, որ օղու սպառումը մեր երկրում 10 տարվա ընթացքում նվազել է, իսկ գարեջրինը՝ ավելացել։
Factor.am-ն ավելի վաղ գրել էր, Հայաստանում նաև ավելացել է ծխախոտի սպառումը՝ 2024 թ-ին կազմելով 299 մլն 255.8 հազար տուփ։
Գայանե Խաչատրյան
