06.10.2026 | 17:14
Նովակ Ջոկովիչը տիտղոս նվաճեց մի մրցաշարում, որտեղ երբեք չի պարտվել. ՏԵՍԱՆՅՈՒԹ
Լևոն Բարսեղյանը կառաջադրվի Գյումրիի քաղաքապետի թեկնածու
Քաղաքականություն
27.02.2025 | 12:19
Factor.am-ի տեղեկություններով Գյումրիի ավագանու արտահերթ ընտրություններին ժուռնալիստների «Ասպարեզ» ակումբի խորհրդի նախագահ Լևոն Բարսեղյանը կառաջադրվի քաղաքապետի թեկնածու։
Այսօր՝ ժամը 13:00-ին Գյումրիում տեղի կունենա Եվրաքվեի նախաձեռնող 3 կուսակցությունների՝ «Հանրապետություն» կուսակցության, «Հանուն Հանրապետության» կուսակցության և «Հայաստանի Եվրոպական» կուսակցության նախագահների ու անդամների կողմից Գյումրիի ավագանու արտահերթ ընտրություններին դաշինքով մասնակցելու մասին հուշագրի ստորագրման արարողությունը։ Հենց այս երեք կուսակցություններն էլ կառաջադրեն Լևոն Բարսեղյանի թեկնածությունը։
Հիշեցնենք, որ Գյումրիում ավագանու արտահերթ ընտրությունները տեղի կունենան մարտի 30-ին։ Քարոզարշավը կմեկնարկի մարտի 15-ին և կավարտվի մարտի 28-ին։
Այս պահի դրությամբ արտահերթ ընտրություններին մասնակցելու մասին հայտարարել են ՔՊ թեկնածու Սարիկ Մինասյանը, Գյումրիի նախկին քաղաքապետ Վարդան Ղուկասյանը, ԱԺ պատգամավոր Մարտուն Գրիգորյանը, պրոդյուսեր Ռուբեն Մխիթարյանը, որն ընտրություններում գլխավորելու է «Իմ Հզոր Համայնք» կուսակցության նախընտրական ցուցակը։
Արփի Հակոբյան
