07.08.2026 | 23:37
Անձրև, ամպրոպ և ջերմաստիճանի նվազում. առաջիկա օրերի եղանակի կանխատեսումը
Հարցեր լսելու և խնդիրներին լուծումներ տալու պատրաստակամություն այս լսումներին չկար․ Սոնա Այվազյան. ՏԵՍԱՆՅՈՒԹ
Քաղաքականություն
26.02.2025 | 19:44
«Որևէ խոսք չկար այն մասին, թե երբ այս նախագիծը իրականություն դառնա և ենթադրաբար եթե զարկ տրվի բիզնեսի և տնտեսության զարգացմանը, այս տարածքում դա ինչ հնարավորություն կարող է ունենալ»,- Հիսուս Քրիստոսի մոնումենտալ արձան-համալիրի կառուցման ՇՄԱԳ փորձաքննության հայտի վերաբերյալ քննարկման ավարտից հետո լրագրողների հետ զրույցում ասաց «Թրանսփարենսի ինթերնեշնլ» հակակոռուպցիոն կենտրոնի գործադիր տնօրեն Սոնա Այվազյանը։
«Բնակիչները չէին լսում, որ կան նաև խնդիրներ, որոնք իրենց իսկ շահերից են բխում, որպեսզի բարձրացվեն։ Հարցեր լսելու և խնդիրներին լուծումներ տալու պատրաստակամություն չկար և՛ բնակիչների դեպքում, և՛ առավել ևս նախաձեռնողների և համայնքի ղեկավարության դեպքում։ Իրականում հավանություն էր ակնկալվում լսումներից և այդ հավանությունը բուռն ծափահարությունների միջոցով ստացվում էր»,- ասաց Այվազյանը։
Հիշեցնենք՝ Հիսուս Քրիստոսի մոնումենտալ արձան-համալիրի կառուցման շրջակա միջավայրի վրա ազդեցության գնահատման հաշվետվության վերաբերյալ Ակունք համայնքի չորս բնակավայրում այսօր հանրային լսումներ էին հրավիրված։
Մանրամասները՝ տեսանյութում։
