18.07.2026 | 12:40
Արման Ծառուկյանը գիտի՝ ով է իր հաջորդ մրցակիցը UFC-ում
160 կրթաթոշակ, 3 ֆինանսավորված նախագիծ, 10 ուղեգիր Բերքլի․ ամփոփվել է Ամերիաբանկի «Իմ Հայաստան, իմ ապագա» մրցույթը. ՏԵՍԱՆՅՈՒԹ
Հասարակություն
26.02.2025 | 19:13
Կրթաթոշակ 160 ուսանողի, 3 լավագույն նախագծի ֆինանսավորում և ուսանողական ծրագրի մասնակցություն Բերքլիի համալսարանում․ Ամերիաբանկն ամփոփեց «Իմ Ամերիա, իմ Հայաստան» նախագծի շրջանակում իրականացված «Իմ Հայաստան, իմ ապագա» ուսանողական մրցույթը։
Մրցույթը կազմակերպվել էր Ամերիաբանկի և VISA-ի կողմից։ Այն բաց էր Հայաստանի պետական և մասնավոր բուհերի բոլոր ուսանողների համար։ Նպատակն էր բացահայտել և խրախուսել ակտիվ, ճկուն, պայծառ մտածելակերպով և Հայաստանի ապագայի հանդեպ սրտացավ ուսանողներին։
«Իմ Հայաստան, իմ ապագա» մրցույթին մասնակցել են այն ուսանողները, ովքեր եղել են Ամերիաբանկի VISA Student քարտապաններ։
36 համալսարանի ուսանողներ պայքարել են 3 մրցանակի համար՝
- 160 կրթաթոշակ՝ 5 ամիս շարունակ 50,000 հազար դրամ կրթաթոշակ ստանալու հնարավորությամբ,
- Բերքլիի համալսարանում ուսանողական կարճաժամկետ ծրագրի մասնակցության 10 ուղեգիր,
- «Իմ Հայաստան, իմ ապագա» խորագրով 3 լավագույն նախագծերի ֆինանսավորում Ամերիաբանկի կողմից` ընդհանուր մինչև 10 մլն դրամի չափով։
Կրթաթոշակին հավակնելու համար անհրաժեշտ էր լինել նվազագույնը 2-րդ կուրսի ուսանող, ունենալ տվյալ բուհում ՄՈԳ-ի առավելագույն արժեքի առնվազն 65%-ը, հավաքել ամենաբարձր միավորները թեստից։
Նախագծի ֆինանսավորում ստանալու, Բերքլիի կարճաժամկետ կրթական ծրագրին մասնակցելու համար անհրաժեշտ էր հավաքել ամենաբարձր միավորները և՛ թեստից, և՛ նախագծերի գնահատումից՝ անկախ ՄՈԳ-ից:
Միջոցառման ընթացքում ներկայացվեցին նաև այն երեք նախագծերը, որոնց հեղինակները կստանան ֆինանսավորում Ամերիաբանկի կողմից։ Հայաստանի պետական տնտեսագիտական համալսարանից Ժաննա Հարությունյանն իր նախագծով նպատակ ունի տեսագրել և պահպանել ասեղնագործական 8 զարդանախշերի ստեղծման տեխնիկաները։ Հայաստանի ազգային պոլիտեխնիկական համալսարանից Վահագն Զաքարյանի նախագծի շրջանակում նախատեսվում է մշակել բրայլյան ստեղնաշար՝ տեսողության խնդիրներ ունեցող անձանց համար։ Եվ վերջինը Հայաստանի ազգային ագրարային համալսարանից Վոլոդյա Թորոսյանի նախագիծն է, որն ուղղված է գյուղատնտեսության արդյունավետության բարձրացմանը։
Նախագծերի գնահատումն իրականացրել է ժյուրին, որի կազմում ընդգրկված էին տարբեր ոլորտների անկախ մասնագետներ, ինչպես նաև VISA-ի և Ամերիաբանկի ներկայացուցիչներ։
ֆինանսական և տեխնոլոգիական առաջատար Ամերիաբանկը 2024 թվականի հոկտեմբերին «Իմ Ամերիա, իմ Հայաստան» նախագծի շրջանակում մեկնարկել էր երեք արշավ՝ «Իմ Ամերիա, իմ Հայաստան», «Իմ Ամերիա, իմ տուն» և «Իմ Հայաստան, իմ ապագա» խորագրերով։ Նախագծի նպատակն է միավորել մարդկանց Ամերիաբանկի առաքելության շուրջ և միասին բարելավել կյանքի որակը:
Մանրամասները՝ տեսանյութում։
Արփի Հակոբյան
