13.01.2026 | 15:51
Մենք փորձում ենք ձեռք բերել նորագույն, ՆԱՏՕ-ական ստանդարտների սպառազինություն. Պապիկյան․ ՏԵՍԱՆՅՈՒԹ
Ցավալի է, որ զոհեր ենք ունեցել, բայց արդյոք մեքենա այրող ցուցարարը խաղա՞ղ ցուցարար էր. Վարդևանյան․ ՏԵՍԱՆՅՈՒԹ
Հասարակություն
25.02.2025 | 19:29
«Ցավալի է, որ 2008 թվականի մարտի իրադարձությունների ժամանակ զոհեր ենք ունեցել, բայց արդյոք մոլոտովի կոկտեյլ օգտագործող, մեքենա այրող ցուցարարը խաղաղ ցուցարար էր»․ այսօր Հակակոռուպցիոն դատարանում նման հարցադրմամբ հանդես եկավ Ռոբերտ Քոչարյանի պաշտպան Արամ Վարդևանյանը՝ անդրադառնալով 2008 թվականի մարտի իրադարձությունների գործով Քոչարյանին և մյուսներին վերագրվող մեղադրանքին:
Պաշտպանը խոսեց նաև այն մասին, որ Դատախազությունը ապօրինի է գնահատել Ռոբերտ Քոչարյանի՝ արտակարգ դրություն հայտարարելու մասին հրամանագիրը այն դեպքում, երբ այդ հրամանագիրը միայն Սահմանադրական դատարանը կարող էր գնահատել:
Վարդևանյանը բարձրաձայնեց նաև այն մասին, որ Քոչարյանի նկատմամբ ի սկզբանե քրեական հետապնդում է հարուցվել առանց նրա անձեռնմխելիությունը հաղթահարելու:
«Չնայած նրան, որ Ռոբերտ Քոչարյանի գործողություններում ոչ իրավաչափ բնույթ չի եղել բայց նույնիսկ եթե այլ գնահատականն է ներկայացնում մեղադրողը, ապա գործառույթային անձեռնմխելիությունից ելնելով՝ քրեական հետապնդումը չէր կարող հարուցվել ի սկզբանե. նախկինում ենթակա էր դադարեցման իսկ ներկա պայմաններում՝ առհասարակ ենթադրյալ արարքի իրավաբանական գնահատականը փոփոխելուն ուղղված որևէ գործողություն չի կարող կատարվել»,- ասաց Վարդևանյանը:
Արաքս Մամուլյան
