05.12.2025 | 18:23
ԱՄՆ-ն ԵՄ երկրներին կոչ է արել չօգտագործել ռուսական ակտիվներն Ուկրաինային օգնելու համար. Bloomberg
Հայաստանի բանկերը 2024-ին 363 մլրդ դրամ շահույթ են ստացել
25.02.2025 | 17:00
Հայաստանի բանկերը 2024 թ-ին ստացել են ընդհանուր 363 մլրդ դրամ շահույթ՝ մոտ 38%-ով ավելի, քանի 2023 թ-ին։ Բանկային համակարգի ցուցանիշներն այսօր տարեկան ամփոփիչ ասուլիսում ներկայացրեց Հայաստանի բանկերի միության նախագահ Դանիել Ազատյանը։
Ըստ նրա՝ համակարգի ընդհանուր կապիտալը կազմել է 1․8 տրլն դրամ, միջին եկամտաբերությունը՝ 22․3%։ Վրաստանում, օրինակ, բանկերի եկամտաբերությունը 23․99% է եղել։ 2024 թ-ին բանկերի ընդհանուր ակտիվները կազմել են 11 տրլն, վարկային պորտֆելը՝ 6․4 տրլն դրամ։ Ավանդների ծավալը նույնպես մոտ 6․4 տրլն դրամ է եղել։
Վարկերի կառուցվածքում ամենամեծ աճը գրանցել են սպառողական վարկերը՝ 33% (ծավալը՝ 1,447․5 մլրդ դրամ)։ Գրեթե նույնքան աճել է նաև հիփոթեքի ծավալը՝ 32․9% (ծավալը՝ 1,423․2 մլրդ դրամ)։
Գայանե Խաչատրյան
