05.12.2025 | 23:32
ԱԱ․ Բաչկովը հաղթել է ժամկետից շուտ, Մաշակարյանը և Հովհաննիսյանը ևս շարժվում են առաջ
Բաքվի զինվորական դատարանում մեկնարկել է Ռուբեն Վարդանյանի շինծու գործով դատական նիստը
Քաղաքականություն
25.02.2025 | 12:43
Բաքվի զինվորական դատարանում, դատավոր Զեյնալ Աղաևի նախագահությամբ, մեկնարկել է Արցախի նախկին պետնախարար Ռուբեն Վարդանյանի շինծու գործերով դատական հերթական նիստը։
Նախորդ նիստը տեղի էր ունեցել փետրվարի 17-ին, որի ընթացքում ավարտվել էր գործով մեղադրական եզրակացության եզրափակիչ մասի հրապարակումը։ Ռուբեն Վարդանյանը հրաժարվել էր պատասխանել դատավորի հարցերին՝ ի նշան իրեն առաջադրված շինծու մեղադրանքների դեմ բողոքի։ Հավելենք, որ ի նշան շինծու «դատավարության» դեմ բողոքի՝ Վարդանյանն ավելի վաղ հացադուլ էր հայտարարել։
Հավելենք, որ Արցախի ռազմաքաղաքական ղեկավարների և այլ պաշտոնյաների՝ ընդհանուր 15 անձի դեմ հարուցված շինծու գործերով նախօրեին կայանալիք նիստը հետաձգվել էր։ Հաջորդ դատական նիստը տեղի կունենա փետրվարի 27-ին։
Թարգմանությունը՝ Էմմա Չոբանյանի
