25.05.2026 | 18:33
Գորիսի հիվանդանոցի նախկին տնօրենը մեղադրվում է գույքի ապօրինի օտարման և փողերի լվացման համար․ ՔԿ
Factor TV-ի հետաքննությունների հիմքով դատախազությունն ուսումնասիրություն է սկսել
Հասարակություն
24.02.2025 | 15:50
Երևան քաղաքի դատախազությունն ուսումնասիրում է մայրաքաղաքում առերևույթ անպօրինի գործող բենզալցակայանների գործունեության հանգամանքները։ Այս ուսումնասիրության համար հիմք են հանդիսացել Factor TV-ի հետաքննությունները՝ «Վտանգավոր և անօրինական. Երևանում 63 բենզալցակայան գործում է առանց թույլտվության․ ՓաստաՔՆՆՈՒԹՅՈՒՆ» և «Օրենքից վեր կանգնածները․ ովքեր են ապօրինի գործող բենզալցակայանների հետևում․ ՓաստաՔՆՆՈՒԹՅՈՒՆ»։
ՀՀ գլխավոր դատախազությունից Factor TV-ին հայտնել են, որ հրապարակումներն «ուղարկվել են Երևան քաղաքի դատախազություն՝ պետական շահերի պաշտպանության հայց հարուցելու լիազորությունների իրացման շրջանակներում ուսումնասիրության իրականացումը համապատասխան վարչական շրջանների դատախազություններին հանձնարարելու նպատակով»։
Հիշեցնենք, որ Factor TV-ի բացահայտել է, որ Երևանում 63 բենզալցակայան չունի հեղուկ վառելիքի վաճառքի թույլտվություն, բայց վաճառում է։ Օրենք խախտող այդ ընկերությունների սեփականատերերը փոխկապակցված են նախկին ու ներկա իշխանավորների հետ, իսկ այդ ընկերությունները միաժամանակ ակտիվ համագործակցում են պետական կառույցների հետ։
Գայանե Խաչատրյան
