03.06.2026 | 23:39
ՌԴ-ն մտադիր է հայկական գյուղմթերքը փոխարինել Ադրբեջանից ներմուծումներով
Տեխնիկան խցափակումների մեջ էր հայտնվել և չկարողացավ ժամանակին հասնել փողոցներ. Կամո Արեյան․ ՏԵՍԱՆՅՈՒԹ
24.02.2025 | 09:58
«Արվել է առավելագույնը, որ քաղաքը զերծ պահենք դժվարություններից, բայց օբյեկտիվ և սուբյեկտիվ պատճառներով 4 ժամ տևողությամբ ունեցել ենք խցանումներ, դժվարանցանելի փողոցներ: Խցանումների պատճառով ԵԱՍՄ տեխնիկան հայտնվել է խցափակումների մեջ և չի կարողացել ժամանակին հասնել փողոցներ։ Ասել, որ պատրաստ չէինք՝ ճիշտ չի լինի, արդար չի լինի»,- քաղաքապետարանի գործակարգավարական նիստի ժամանակ ասաց Երևանի քաղաքապետի խորհրդական Կամո Արեյանը՝ անդրադառնալով առատ տեղումների հետևանքով հունվարի 20-ի երեկոյան Երևանում ստեղծված իրավիճակին։
Քաղաքապետի խորհրդականը հայտնեց, որ մոբիլիզացվել է ձնամաքրման 38 մասնագիտացված մեքենա, նաև՝ «Կանաչապատում և շրջակա միջավայրի պահպանություն» ՀՈԱԿ-ի մեքենաները, նաև վարչական շրջանի ղեկավարների նախաձեռնությամբ մասնավոր այլ տեխնիկա է ներգրավվել։ Ըստ Արեյանի՝ ձնամաքրման աշխատանքներին մասնակցել է թվով 80 տեխնիկա և 300-ից ավելի աշխատակից։
Մանրամասները՝ տեսանյութում։
