13.01.2026 | 18:20
ԵՄ-ն խոստանում է պատժամիջոցներ կիրառել Իրանի նկատմամբ «սարսափելի զոհերի պատճառով»
Ավտոբուսի վարորդի ինքնազգացողությունը վատացել է, խնդրել է իջնել ուղևորներին․ ուղևորներից մեկը օգնություն է ցուցաբերել
Հասարակություն
21.02.2025 | 14:22
Երևանի ավտոբուս ՓԲԸ-ի խոսնակ Գեղամ Ասատրյանը գրառմամբ տեղեկացրել է, որ երեկ ավտոբուսի մի վարորդի ինքնազգացողությունը վատացել է և ուղևորիներից մեկը շտապօգնություն է կանչել, սպասել, մինչև վարորդին օգնություն ցուցաբերեն։ Խոսնակը շնորհակալություն է հայտնում ուղևորին։
«Տիգրան Մեծի պողոտայից դեպի Հանրապետության հրապարակ երթևեկելիս 54 համարի երթուղին սպասարկող մեքենայի վարորդի ինքնազգացողությունը վատացել է։ Վարորդը կանգնել է կանգառում, ուղևորներին խնդրել իջնել։ Ուղևորներից մեկը (քանի որ համաձայնությունը չունեմ, անձամբ չեմ ճանաչում, տվյալները չեմ հրապարակում)` Մ. Գ.-ն, հրաժարվել է իջնել, զանգել է շտապօգնություն, սպասել այնքան, մինչև կմոտենան և առաջին բուժօգնություն ցույց կտան։
Ուղևորը, այդ ընթացքում վարորդի հեռախոսով կապի մեջ լինելով «Երեւանի ավտոբուս» ՓԲԸ-ի մասնագետների հետ, փակել է մեքենայի դռները, սպասել այնքան, մինչև վարորդին օգնություն ցուցաբերեն, և մեքենան կթողնի անվտանգ։
Այս պահին վարորդը գտնվում է հիվանդանոցում։ Բարեբախտաբար, կյանքին վտանգ չի սպառնում»,- ասված է գրառման մեջ։
