08.11.2026 | 19:34
Արարատ Միրզոյանը նոյեմբերի 9-ին աշխատանքային այցով կմեկնի Էստոնիա
Հանրապետականներն օրինագիծ են ներկայացրել ՄԱԿ-ից ԱՄՆ-ի ամբողջությամբ դուրս գալու մասին
Քաղաքականություն
21.02.2025 | 13:00
Հանրապետական կուսակցության ներկայացուցիչներն օրինագիծ են ներկայացրել ՄԱԿ-ից ԱՄՆ-ի ամբողջական դուրս գալու մասին։ Այս մասին հայտնում է Fox News-ը։
Նշվում է, որ օրենսդիրները մտահոգված են, որ միջազգային կազմակերպությունը չի պաշտպանում ամերիկացիների շահերը և չի համապատասխանում ԱՄՆ նախագահ Դոնալդ Թրամփի՝ «Առաջին հերթին Ամերիկան» ծրագրին։
Օրինագիծը նախագահից պահանջում է ամբողջությամբ չեղարկել ԱՄՆ-ի անդամակցությունը ՄԱԿ-ին, ինչպես նաև ցանկացած մարմնի, մասնագիտացված գործակալության, հանձնաժողովի և այլ գերատեսչությունների, որոնք պաշտոնապես կապված են ՄԱԿ-ի հետ, դադարեցնել դրա ֆինանսավորումը և հրաժարվել խաղաղապահ առաքելություններից:
«ՄԱԿ-ը դարձել է բռնակալների հարթակ՝ Ամերիկայի և նրա դաշնակիցների վրա հարձակվելու վայր»,- լրատվականին ասել է նախաձեռնության հեղինակներից սենատոր Մայք Լին։
Ըստ աղբյուրի՝ ԱՄՆ-ը, իբր, ավելի շատ ֆինանսավորում է տրամադրում միջազգային կազմակերպությանը, քան ցանկացած այլ երկիր։
Ավելի վաղ՝ փետրվարի 4-ին, Թրամփը լրագրողներին ասել էր, որ հրաման է ստորագրել՝ վերագնահատելու Վաշինգտոնի մասնակցությունը ՄԱԿ-ի և ՅՈՒՆԵՍԿՕ-ի գործունեությանը։ Նա նաև նշել է ՄԱԿ-ի անհամաչափ ֆինանսավորումը, քանի որ ԱՄՆ-ն ավելի շատ գումար է հատկացնում, քան մյուս անդամները:
Թարգմանությունը՝ Տաթև Ֆռանգյանի
