20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
Բռնություն շտապօգնության աշխատողի նկատմամբ․ Ազատանում կոտրել են բուժակի քիթը
Հասարակություն
21.02.2025 | 12:45
Այսօր բռնության է ենթարկվել շտապօգնության Գյումրիի կայանի բուժակ Մհեր Քալոյանը։ Դեպքը տեղի է ունեցել Շիրակի մարզի Ազատան գյուղում։ Այս տեղեկությունը Factor.am-ին փոխանցեց Հանրապետական Շտապօգնության ծառայության Շիրակի մարզային կայանի տնօրեն Կարեն Թորոսյանը։
Նա տեղեկացրեց, որ առայժմ անհայտ է, թե ինչու է իր աշխատակից բռնության ենթարկվել՝ նշելով, որ բրիգադը չի ուշացել կանչի վայրից։ Մհեր Քալոյանը վնասվածքներով տեղափոխվել է Գյումրու ԲԿ։ Հիվանդանոցից փոխանցեցին, որ Մհեր Քալոյանի մոտ ախտորոշվել է քթի բեկորային կոտրվածք՝ արյունահոսող վնասվածքներով։ Նա ստացել է համապատասխան բուժօգնություն, առողջական վիճակը գնահատվում է բավարար։ Իրավապահ համակարգից դեպքի առնչությամբ մեկնաբանություն առայժմ չեն տրամադրում։
