06.10.2026 | 14:41
Հայտնի է ֆիզիկայի ոլորտում Նոբելյան մրցանակի դափնեկիրը
Սահմանադրության նոր տեքստը պատրաստ է լինելու մինչև 2026 թվականի ընտրությունները. Սրբուհի Գալյան․ ՏԵՍԱՆՅՈՒԹ
Քաղաքականություն
20.02.2025 | 15:09
Սահմանադրության նոր տեքստը պատրաստ է լինելու մինչև 2026 թվականի ընտրությունները, այս մասին Կառավարության նիստից հետո լրագրողների հետ ճեպազրույցում ասաց ՀՀ արդարադատության նախարար Սրբուհի Գալյանը։
«Մեր խնդիրը ոչ թե հայեցակարգի մշակումն է, այլ՝ տեքստի, այս ուղղությամբ աշխատանքներ արդեն կատարվում են։ Ամեն ինչ պետք է անել, որ Սահմանադրության նոր տեքստը պատրատ լինի մինչև նոր ընտրություններ։ Այն հանձնառությունը, որ ստացել ենք միտված է նրան, որ տեքստը պետք է պատրաստ լինի մինչև 2026 թվականի ընտրությունները։ Դրանից հետո, իհարկե, որոշում կկայացվի հանրաքվե անցկացնել։ Գուցե, Սահմանադրական հանրաքվեից հետո անցկացվեն ընտրությունները»,-նշեց նա։
Թե մայր օրենքում ինչ փոփոխություններ են արվելու, որ կետերն են հանվելու, որոնք՝ ոչ, արդարադատության նախարարը մանրամասնեց։ Գալյանը միևնույն ժամանակ նշեց, որ նոր Սահմանադրությամբ կառավարման մոդելի փոփոխություն չի նախատեսվում։
Մանրամասները՝ տեսանյութում։
