06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
1 տարում 300 մլն տուփ ծխախոտ․ Հայաստանի բնակիչները սկսել են ավելի շատ ծխել
Հասարակություն
20.02.2025 | 14:43
Հայաստանում ծխելու դեմ պայքարի՝ իշխանությունների հռչակած քաղաքականությունը վերջին տարիներին, կարծես, անարդյունք է։ Ավելին, վիճակագրական կոմիտեի տվյալներով՝ 2024 թ-ին մեր երկրում սպառվել է 299 մլն 255.8 հազար տուփ ծխախոտ, ինչը 2022 թ-ի համեմատ ավելի է 22․4%-ով։ Ընդ որում՝ սպառման ծավալների աճին չի խանգարել ո՛չ ծխախոտի գնի բարձրացումը՝ 3 տարվա ընթացքում 1 տուփը միջինում թանկացել է 55 դրամով, ո՛չ էլ հանրային վայրերում ծխելու արգելքը (2020 թ-ի մայիսից արգելվել է ծխել փակ, 2023-ի մայիսի 1-ից՝ կիսափակ հաստատություններում)։
Ինչպես երևում է ինֆոգրաֆիկայից, 2019 թ-ից հետո ծխախոտի սպառման որոշակի նվազում նկատվել է, բայց վերջին 3 տարիներին կորի ուղղությունը փոխվել է։
Ընդ որում՝ 10 տարի առաջ Հայաստանում ավելի քիչ ծխախոտ է սպառվել՝ 242 մլն 305.2 հազար տուփ, թեև 1 տուփն այն ժամանակ շատ ավելի մատչելի էր՝ միջինում 382.2 դրամ։
Գայանե Խաչատրյան
