05.12.2025 | 23:32
ԱԱ․ Բաչկովը հաղթել է ժամկետից շուտ, Մաշակարյանը և Հովհաննիսյանը ևս շարժվում են առաջ
ՌԴ քաղաքացին քաղաքական հետապնդման պատճառով փորձել է ապաստանել ՀՀ-ում. Սաքունց․ ՏԵՍԱՆՅՈՒԹ
Հասարակություն
20.02.2025 | 12:18
«Ռոման Շկլովերը հստակ քննադական վերաբերմունք ունի Վլադիմիր Պուտինի ռեժիմի նկատմամբ, ուստի՝ նրա նկատմամբ հարուցված քրեական գործը՝ ատելության խոսքի տարածման հոդվածի հատկանիշներով, ակնհայտ քաղաքական հետապնդում է իր դիրքորոշման համար»,- այս մասին մամուլի ասուլիսի ժամանակ հայտարարեց Հելսինկյան քաղաքացիական ասամբլեայի Վանաձորի գրասենյակի ղեկավար Արթուր Սաքունցը՝ անդրադառնալով երեկ իրենց գրասենյակի կողմից տարածած ահազանգին։
Սաքունցի խոսքով՝ Ռոմանն այս պատճառով է փախուստի դիմել Ռուսաստանից և ապաստան փորձել գտնել Հայաստանում, ուստի՝ ՀՀ ոստիկանությունն ուղղակի իրավունք չուներ նրա մոտ թողնել այն երկրի ներկայացուցիչներին, որոնցից, փաստացի, նա հետապնդվում է քաղաքական դրդապատճառներով։
Անդրադառնալով այս միջադեպի մասով Ներքին գործերի նախարարության տարածած հաղորդագրությանը, ըստ որի՝ «Ռուսաստանի Դաշնության անվտանգային մարմինների ներկայացուցիչների կողմից ոստիկանության բաժին ներխուժելու» վերաբերյալ պնդումը չի համապատասխանում իրականությանը, Սաքունցը նշեց.
«Շնորյակալություն այդ պարզաբանման համար, քանի որ այսպես պատկերն ավելի պարզ է դառնում»։
Հիշեցնենք՝ ՆԳՆ-ն պարզաբանել էր, որ ՀՔԱՎ հոդվածում նշված անձը ՌԴ իրավապահների կողմից գտնվում է հետախուզման մեջ։ Նա ՀՀ ՆԳՆ ոստիկանության ծառայողների կողմից փետրվարի 13-ին հրավիրվել է ՀՀ ՆԳՆ ՀՈԳՎ Մետրոպոլիտենի բաժին.
«ԱՊՀ կառավարության ղեկավարների՝ անձանց միջպետական հետախուզման իրականացման վերաբերյալ իրավասու մարմինների մասին (2015թ. Դուշանբե) կանոնակարգի շրջանակներում ՀՀ գործուղված ՌԴ ՆԳՆ ներկայացուցիչները գտնվել են ՀՀ ՆԳՆ ՀՈԳՎ Մետրոպոլիտենի բաժնում։ Նշված կանոնակարգի 7-րդ գլխի 48-րդ կետի պահպանմամբ՝ ՌԴ իրավապահների ներկայությամբ կատարվել է նշված անձի փաստաթղթավորումը հետախուզման կապակցությամբ և, խափանման միջոց ընտրված չլինելու պայմաններում, հետախուզվողն ազատ է արձակվել»,- նշվում է հաղորդագրության մեջ։
Մանրամասները՝ տեսանյութում։
