14.09.2026 | 23:23
Պապիկյանի գլխավորած պատվիրակությունն աշխատանքային այցով մեկնել է Չինաստան
Այսօր Ֆրանսիայում Ուկրաինայի հարցով երկրորդ հանդիպումը կանցկացվի
Քաղաքականություն
19.02.2025 | 11:29
Ֆրանսիան ծրագրում է փետրվարի 19-ին երկրորդ հանդիպումն անցկացնել Փարիզում՝ քննարկելու Ուկրաինան և եվրոպական անվտանգությունը, սակայն այս անգամ հրավիրել է շաբաթվա սկզբին հանդիպմանը չմասնակցած եվրոպական երկրներին և ՆԱՏՕ-ի դաշնակից Կանադային։ Այս մասին Reuters-ին հայտնել են դիվանագիտական աղբյուրները:
Երկու աղբյուրներ նշել են, որ հրավիրվել են Նորվեգիան, Կանադան, Լիտվան, Էստոնիան, Լատվիան, Չեխիան, Հունաստանը, Ֆինլանդիան, Ռումինիան, Շվեդիան և Բելգիան: Երեք դիվանագետներ էլ ասել են, որ ձևաչափը կլինի հիբրիդային, ներառյալ՝ տեսակապով մասնակցությունը:
Ֆրանսիայի նախագահ Էմանուել Մակրոնը երկուշաբթի արտակարգ հանդիպում էր անցկացրել մի շարք երկրների ներկայացուցիչների հետ, այդ թվում՝ Բրիտանիայի, Գերմանիայի և Իտալիայի, ինչպես նաև ՆԱՏՕ-ի և ԵՄ գործադիր իշխանության ներկայացուցիչների հետ։
Սա ջանքերի մի մասն է՝ գնահատելու, թե ինչպիսին կարող են լինել Ուկրաինայի անվտանգության հնարավոր երաշխիքները, ինչպես պետք է Եվրոպան ավելացնի պաշտպանական ծախսերը, ինչպես ավելի արագ շարժվի, քանի որ ԱՄՆ վարչակազմն արագացնում է դիվանագիտությունը Ուկրաինայի և Ռուսաստանի միջև եռամյա պատերազմին վերջ տալու համար:
ԵՄ պաշտոնյաներն ասել են, որ որոշ երկրներ դժգոհ էին, որ հանդիպումը միայն ընտրված առաջնորդների համար էր, այլ ոչ թե ԵՄ ամբողջական գագաթնաժողով։
Թարգմանությունը՝ Էմմա Չոբանյանի
