15.08.2026 | 21:02
Վահան Կոստանյանը Զելենսկիին է փոխանցել ՀՀ բարձրագույն ղեկավարության շնորհավորանքները
Վարորդներին վախեցրել են, ասել են` վատ կլինի ձեզ համար. աշխատանքից ազատված վարորդ․ ՏԵՍԱՆՅՈՒԹ
Հասարակություն
18.02.2025 | 16:32
«Վարորդներին վախեցրել են, ասել են` վատ կլինի ձեզ համար»,-այս մասին լրագրողների հետ զրույցում ասաց «Երևան ավտոբուս» ՓԲԸ-ի նախկին վարորդներից մեկը։
Նա հայտնեց, որ իրեն տնօրինությունն աշխատանքից ազատել է դեկտեմբերի 3-ի բողոքի ակցիայից հետո, երբ ավտոբուսի վարորդները դուրս էին եկել իրենց բողոքի ձայնը բարձրացնելու՝ դժգոհելով աշխատավարձից և աշխատանքային պայմաններից։
«Մեզ ասեցին՝ տղե՛րք եկեք դիմում գրեք գործից ազատվեք, բայց մի շաբաթից մենք ձեզ հետ աշխատանքի կընդունենք։ Աշխատանքից մոտ 40 վարորդ է ազատվել, բայց 10-ն հետ աշխատանքի ընդունվել։ Մարդ կա, եկել խնդրել է, որ վատ վիճակում է, ընտանիքը չի կարողանում պահել, բայց հետ չեն ընդունել։ Ես հետո իմացել եմ, որ այդ 30 հոգուն պիտակ են կպցրել, թե քաղաքական պատվեր եք կատարում։ Մենք կապ չունենք քաղաքականության հետ։ Մենք քաղաքականության հետ գործ չունենք, մենք սոցիալական հարցեր ենք բարձրացրել»,- պատմեց նախկին վարորդը։
Ինչ վերաբերում է վարորդներին վախեցնելուն նա պատասխանեց․ «Վախեցնում ենք այդ 130 դրամի թեմայով, տոմսերը չվճարելու պատճառով, վարորդն էլ ասում ՝ ես ոնց իջենում տարիքով կին է, երեխա է»։
Նշենք, որ «Մայր Հայաստան» խմբակցության անդամներն այցելել են «Երևան ավտոբուս» ՓԲԸ՝ պարազաբանում պահանջելու վարորդների և հսկիչ ներկայացողների գործելաոճի կապակցությամբ։
