05.09.2026 | 11:03
Վթարային ջրանջատում 3 մարզերում
ԵնթաԴՐՈՒԹՅՈՒՆ. Մինչև տարեվերջ անցկացվելիք Աժ արտահերթ ընտրություններին մասնակցելու դեպքում Ռոբերտ Քոչարյանն ինչպիսի՞ շանսեր կարող է ունենալ. ՏԵՍԱՆՅՈՒԹ
Քաղաքականություն
27.09.2018 | 18:46
Չնայած որ Ազգային ժողովը հունիսին հաստատել էր Կառավարության ծրագիրը, համաձայն որի՝ արտահերթ խորհրդարանական ընտրությունները պետք է անցկացվեին մեկ տարվա ընթացքում, այնուամենայնիվ Երևանի ավագանու արտահերթ ընտրություններից հետո Հայաստանի վարչապետ Նիկոլ Փաշինյանը Նյու-Յորքից հայտարարեց, որ Հայաստան վերադառնալուն պես խորհրդարանական և արտախորհրդարանական ուժերին կհրավիրի խորհրդակցությունների՝ քննարկելու արտահերթ ընտրությունների ժամկետների հարցը։
Նա նշել էր՝ քաղաքական իրադարձությունները ցույց տվեցին, որ պետք է շատ արագ անցկացնել արտահերթ խորհրդարանական ընտրություններ։ Իշխող ուժի ներկայացուցիչներն արդեն իսկ հայտարարում են, որ արտահերթ խորհրդարանական ընտրությունները կկայանան մինչև տարեվերջ։ Իսկ ի՞նչ ձևաչաձով այս արագացվող գործընթացին կմասնակցի քաղաքականություն վերադառնալու մասին հայտարարած Ռոբերտ Քոչարյանը, ում կալանավորման հարցը առկախված է և գտնվում է Վճռաբեկ դատարանի վարույթում։
Նա իր վերջին հարցազրույցներից մեկում նշել էր, որ դեռ չի կողմնորոշվել՝ որևէ գործող կուսակցության, թե իր կողմից ստեղծվելիք նոր քաղաքական ուժով է պատաստվում վերադառնալ քաղաքականություն։ Մինչև տարեվերջ քիչ ժամանակ է մնացել, եթե Ռոբերտ Քոչարյանը նոր կուսակցություն բացի կամ գլխավորի գործող կուսակցություններից որևէ մեկի ցուցակը, ինչպիսի՞ շանսեր կարող է ունենալ։
Մանրամասները՝ տեսանյութում։
Լիլիթ Շաբոյան
