13.08.2026 | 21:15
«Ավելի լավ է չիմանամ՝ տունս ինչ վիճակում է»․ արցախցիները Բաքվից փոխհատուցում են պահանջում. ՏԵՍԱՆՅՈՒԹ
Նախագահականից արձագանքում են՝ ՍԴ անդամի պաշտոնում Վահե Գրիգորյանի թեկնածությունն առաջադրելու մասին լուրերին
Հասարակություն
27.09.2018 | 17:11
ՀՀ նախագահ Արմեն Սարգսյանի աշխատակազմից հաստատում են՝ առաջիկա օրերին նախագահի կողմից Ազգային ժողովին կներկայացվի Սահմանադրական նախագահի անդամի թեկնածուի անունը: Արմեն Սարգսյանի օգնական Հասմիկ Պետրոսյան Factor.am-ի հետ զրույցում տեղեկացրեց, որ մրցույթի արդյունքներն ամփոփվել են և Հայաստան վերադառնալուն պես Արմեն Սարգսյանը թեկնածուին կներկայացնի ԱԺ:
«Մրցույթի արդյունքներն ամփոփվել է և առաջիկայում նախագահը որոշում կկայացնի Ազգային ժողով ներկայացվող թեկնածուի վերաբերյալ»,- ասաց Հասմիկ Պետրոսյանը՝ առանց հստակ ժամկետներ նշելու: Արմեն Սարգսյանի օգնականի փոխանցմամբ՝ նախագահի կողմից ՍԴ դատավորի թեկնածու առաջադրելու համար աշխատանքային խումբը դիմումներ է ստացել հինգ հավակնորդից Հանրապետության նախագահի կողմից Սահմանադրական դատարանի դատավորի թեկնածու առաջադրելու համար Հանրապետության նախագահի աշխատակազմ դիմում է ներկայացրել Սահմանադրական դատարանի դատավորի հինգ հավակնորդ:
«Հաշվի առնելով այն հանգամանքը, որ ոչ բոլոր հավակնորդներն են ցանկացել, որպեսզի իրենց մասնակցության մասին տեղեկատվությունը հրապարկվի՝ ձեռնպահ ենք մնում մասնակիցների անունները հրապարակելուց»,- նշեց Հասմիկ Պետրոսյան:
Մեր հարցին՝ մամուլում շրջանառվում է փաստաբան Վահե Գրիգորյանի անունը, համապատասխանում են արդյոք իրականությանն այդ լուրերը, Հասմիկ Պետրոսյանն արձագանքեց. «Նպատակահարմար չենք գտնում անուններ հրապարակել»:
Ըստ մամուլում շրջանառվող լուրերի՝ մրցույթին մասնակցող հինգ թեկնածուներին հենց Վահե Գրիգորյանն է անցել:
