15.07.2026 | 00:59
ԱԱ-2026․ Իսպանիան հաղթեց Ֆրանսիային և դուրս եկավ եզրափակիչ․ ՏԵՍԱՆՅՈՒԹ
Մանրամասներ` Լավրովի ու ԱՄՆ պետքարտուղարի հեռախոսազրույցից
Քաղաքականություն
16.02.2025 | 11:28
Փետրվարի 15-ին՝ ամերիկյան կողմի նախաձեռնությամբ, տեղի է ունեցել Ռուսաստանի արտաքին գործերի նախարար Սերգեյ Լավրովի և ԱՄՆ պետքարտուղար Մարկո Ռուբիոյի հեռախոսազրույցը. հայտնում են ՌԴ ԱԳՆ-ից։
Կողմերը պայմանավորվել են պահպանել շփման խողովակները, որպեսզի լուծվեն երկկողմ հարաբերություններում առկա խնդիրները։
Քննարկվել են նաև միջազգային հրատապ հարցեր, այդ թվում՝ Ուկրաինայի հակամարտությունը, Պաղեստինի շուրջ ստեղծված իրավիճակը և Մերձավոր Արևելքում ու այլ տարածաշրջաններում տեղի ունեցող զարգացումները։
Կողմերը մտքեր են փոխանակել նաև Ռուսաստանի դիվանագիտական առաքելությունների գործունեության սահմանափակման վերաբերյալ, որը սկսվել էր դեռևս 2016 թվականին՝ Օբամայի վարչակազմի օրոք։ Պայմանավորվածություն է ձեռք բերվել առաջիկայում կազմակերպել փորձագիտական հանդիպում, որը նպատակ կունենա հստակ քայլեր համաձայնեցնել՝ միմյանց դիվանագիտական ներկայացուցչությունների աշխատանքի արգելքները վերացնելու համար։
Սերգեյ Լավրովը և Մարկո Ռուբիոն հաստատել են փոխադարձ պատրաստակամությունը՝ վերականգնելու հարաբերությունների փոխադարձ հարգանքի վրա հիմնված մթնոլորտը և պայմանավորվել են պարբերաբար շարունակել շփումները, այդ թվում՝ ռուս-ամերիկյան գագաթնաժողովի նախապատրաստման նպատակով։
