03.06.2026 | 23:39
ՌԴ-ն մտադիր է հայկական գյուղմթերքը փոխարինել Ադրբեջանից ներմուծումներով
ԵՏՄ-ին ու ԵՄ-ին միաժամանակյա անդամակցությունն անհնար է, Երևանը պետք է ընտրություն կատարի․ Գալուզին
Քաղաքականություն
11.02.2025 | 15:05
Ռուսաստանը կարծում է, որ Հայաստանի միաժամանակյա անդամակցությունը Եվրասիական տնտեսական միությանն (ԵՏՄ) ու Եվրամիությանը (ԵՄ) անհնար է, ուստի Երևանը ժամանակի ընթացքում պետք է ընտրություն կատարի։ Այս մասին «Իզվեստիա»-ին տված հարցազրույցում ասել է ՌԴ ԱԳ փոխնախարար Միխայիլ Գալուզինը։
«Դժվար կլինի մշտապես պահպանել այս երկվեկտոր մոտեցումը՝ անդամակցությունը ԵՏՄ-ին և Եվրամիության հետ մերձեցման գործընթացը։ Ինչ-որ պահի դեռ պետք է որոշում կայացնել»,- հավելել է նա։
Միաժամանակ, դիվանագետն ընդգծել է, որ Ռուսաստանը բարձր է գնահատում Երևանի ներդրումը ԵՏՄ-ում։
«Անցյալ տարի Հայաստանը նախագահում էր ԵՏՄ-ում, և շատ հաջող։ Մենք շնորհակալ ենք մեր հայ ընկերներին նման իսկապես արդյունավետ նախագահության համար»,- հայտարարել է ՌԴ ԱԳ փոխնախարարը։
Թարգմանությունը՝ Էմմա Չոբանյանի
