06.10.2026 | 10:07
Եղիշե Մելիքյանը՝ Չեռնոգորիայի հավաքականի հետ ոչ-ոքիի մասին. ՏԵՍԱՆՅՈՒԹ
«Թրամփը խոստացել է պաշտպանել Հայաստանի քրիստոնյաներին․ կարող է սկսել Ռուբեն Վարդանյանից»․The Washington Post
Քաղաքականություն
11.02.2025 | 10:30
Աշխարհում այդքան տառապանքների դեպքում անհատական դեպքերը կարող են կորչել: Բայց ես ուզում եմ բացատրել Ռուբեն Վարդանյան անունով մի մարդու վիճակը, որը քաղբանտարկյալ է, որը դատվում է Ադրբեջանում և սպառնում է ցմահ ազատազրկում, և ում գործն ավելի մեծ ուշադրության է արժանի։ Այս մասին The Washington Post-ում գրում է սյունակագիր, հայկական արմատներով լրագրող Դեյվիդ Իգնեշիուսը։
«Վարդանյանի հանցանքը, եթե կարելի է այդպես անվանել, այն է, որ նա պաշտպանել է հայկական դիմադրությունը Լեռնային Ղարաբաղում՝ Կովկասի հեռավոր տարածաշրջանում, որը օրինականորեն գտնվում է Ադրբեջանի կազմում, բայց որի բնակչությունը ժամանակին մեծամասամբ հայ էր և ինքնավար։ Այլևս ոչ. տարածաշրջանի 120,000 հայերը փախել են 2023 թվականի սեպտեմբերին, երբ ադրբեջանական զորքերը ներխուժեցին»,- գրում է հոդվածագիրը՝ հավելելով, որ Վարդանյանը ձերբակալվել է, երբ փորձել է հատել Հայաստանի սահմանը։
Նշվում է, որ Վարդանյանը «անհավանական նահատակ» է, գործարար, որը գումար է վաստակել և սկսել դրանք տրամադրել բարի նպատակների համար։ 2014թ-ին նա միջազգային դպրոց է հիմնել Հայաստանի Դիլիջան քաղաքում՝իր փոքրիկ երկիրը աշխարհին կապերու համար։ 2015թ-ին էլ հիմնել է «Ավրորա» մարդասիրական նախաձեռնությունը, որի աջակիցներն են այնպիսի աստղեր, ինչպիսին է Ջորջ Քլունին, Նոբելյան մրցանակի մի շարք դափնեկիրներ։
Հոդվածագիրրն ընդգծում է, որ ԱՄՆ նախագահ Դոնալդ Թրամփը խոստացել է պաշտպանել Հայաստանի քրիստոնյաներին և նա կարող է սկսել այստեղից:
Թարգմանությունը՝ Էմմա Չոբանյանի
