14.05.2025 | 20:12
Մահացել է դերասան Աշոտ Բաբայանը
Ստեփանավանում բռնկված հրդեհի հետևանքով 6 տուժած դիմել է բուժօգնության. ՆԳՆ
08.02.2025 | 12:22
Լոռու մարզի Ստեփանավան քաղաքի Աշոտաբերդ թաղամասի շենքերից մեկում բռնկված հրդեհի հետևանքով 6 տուժած դիմել է բուժօգնության: Այս մասին Factor.am-ին հայտնեց ՆԳ նախարարի մամուլի խոսնակ Նարեկ Սարգսյանը։
Նշենք, որ հրդեհը բռնկվել է այս գիշեր` ժամը 04։42-ի սահմաններում։ Նարեկ Սարգսյանի փոխանցմամբ` հրդեհը մեկուսացվել է ժամը 11:22-ին:
«Հրդեհի հետագա տարածումը կանխվել է, ինչը շատ կարևոր է, որովհետև տարածքում փայտե շենքեր կան: Տարածքում նաև ծառերն են շատ»,-նշեց նա:
Հիշեցնենք, որ հրդեհը բռնկվել է փայտե շենքի 2-րդ հարկում և տանիքում` ընդգրկելով մոտ 450 մ² տարածք։ Հայտարարվել է հրդեհի բարդության «Թիվ 2» աստիճան․ դեպքի վայր է մեկնել վեց մարտական հաշվարկ՝ որպես ջրատար։
Մանյա Պողոսյան
