06.10.2026 | 17:17
Նովակ Ջոկովիչը տիտղոս նվաճեց մի մրցաշարում, որտեղ երբեք չի պարտվել. ՏԵՍԱՆՅՈՒԹ
Քաղաքապետարանի գործով 4 անձ կալանավորվել է․ նրանցից 2-ը պաշտոնյա է
Հասարակություն
06.02.2025 | 11:38
Երևանի քաղաքապետարանի գործով 4 անձի կալանավորելու միջնորդություն է ներկայացվել դատարան, որոնք բոլորը բավարարվել են։ Այս մասին Factor.am-ի հարցին ի պատասխան ասաց Հակակոռուպցիոն կոմիտեի խոսնակ Մարինա Օհանջանյանը՝ հավելելով, որ կալանավորված անձանցից երկուսը քաղաքապետարանի աշխատակիցներ են, մյուս երկուսը՝ նախկին։
Factor.am-ի տեղեկություններով՝ կալանավորված անձինք են` Քաղաքապետարանի հասարակական կարգի պահպանության ծառայության պետ Արամ Գյուլզադյանը, Քաղաքաշինության և հողի վերահսկողության վարչության պետ Սամվել Ղուկասյանի նախկին տեղակալ Արամ Այվազյանը և նույն վարչության բաժնի պետերից մեկը՝ Միքայել Ղիմոյանը։ Կալանավորված 4-րդ անձը փաստաբան Ռոբերտ Դարբինյանն է։ Գործը վերաբերում է ենթադրյալ կաշառքի դեպքին։
Հիշեցնենք, որ վերը նշված անձինք ձերբակալվել են երեկ։ Մեզ հայտնի է, որ գործում ներգրավված են նաև այլ անձինք, որոնք մեղադրվում են ենթադրյալ կաշառք տալու մեջ, սակայն այս անձանց նկատմամբ ընտրել են ազատազրկման հետ չկապված խափանման միջոցներ։
Արաքս Մամուլյան
