25.04.2026 | 21:33
Մանվել Խնձրցյանը և Վազգեն Թևանյանը տպավորիչ հաղթանակներով դարձան ԵԱ-ի բրոնզե մեդալակիրներ. ՏԵՍԱՆՅՈՒԹ
＄5 միլիարդով ավելի, քան ՀՀ պետական պարտքը․ ինչքա՞ն խաղադրույք է կատարվել 2024-ին Հայաստանում․ ՏԵՍԱՆՅՈՒԹ
Տնտեսություն
31.01.2025 | 19:00
2024 թ-ին Հայաստանում կատարվել է 7 տրլն 236 մլրդ 490 մլն դրամի կամ 18 մլրդ 248 մլն դոլարի խաղադրույք։ ՊԵԿ-ից Factor.am-ի հարցմանն ի պատասխան տեղեկացրել են, որ 106․4 մլրդ դրամ խաղադրույքը կատարվել է խաղատներում, իսկ 7 տրլն 130 մլրդ դրամը՝ ինտերնետ շահումով խաղերում։
Այս գումարից խաղերի մասնակիցներին վերադարձել է 98%-ը՝ 7 տրլն 94 մլրդ դրամ՝ որպես շահում, մասնավորապես՝ խաղատներում շահումների ծավալը կազմել է 97․5 մլրդ դրամ, իսկ ինտերնետ տիրույթում՝ 6 տրլն 997 մլրդ դրամ։
Ուշագրավ է, որ խաղադրույքների ծավալը 2018 թ-ի համեմատ 2024 թ-ին ավելացել է 17 անգամ։
Թե քանի՞ մարդ է այսքան խաղադրույք կատարել, հայտնի չէ։ ՊԵԿ-ից նշել են, որ ո՛չ խաղատներում, ո՛չ էլ առցանց խաղադրույք կատարած անձանց քանակի վերաբերյալ տեղեկատվություն առկա չէ։ Վիճակագրություն չի վարվում նաև, թե ո՞ր երկրներից են խաղադրույք կատարողները։
Խաղային ոլորտի այս թռիչքային աճի պատճառն ինտերնետ շահումով խաղերն են․ եթե խաղատներում խաղադրույքների ծավալը 2018 թ-ի համեմատ 2024 թ-ին աճել է մոտ 20 %-ով, ապա ինտերնետ շահումով խաղերում խաղադրույքների ծավալն այդ նույն ժամանակաշրջանում աճել է ավելի քան 21 անգամ։
Հայաստանի պետական պարտքը, հիշեցնենք, անցած տարի եղել է 12 մլրդ 842 մլն դոլար։ Այսինքն՝ մեր երկրում 1 տարում կատարված խաղադրույքները 5․4 մլրդ դոլարով ավելի են, քան ՀՀ-ի անկախացումից ի վեր կուտակված պետական պարտքը։
Գայանե Խաչատրյան
