07.04.2025 | 23:30
Խաղաղության համաձայնագիրն այժմ պատրաստ է ստորագրման, և ՀՀ-ն պատրաստ է ավարտին հասցնել այդ պատմական քայլը. Հակոբ Արշակյան
ԹԵԺ ԲԱՆԱՎԵՃ․ 150 դրամ՝ 1 ուղևորության դիմաց․ ընդունելի՞ գին է, թե՞ պետք է բոյկոտել
Տնտեսություն
30.01.2025 | 19:30
Փետրվարից 1-ից Երևանում կներդրվի նոր ուղևորատոմս՝ մեկ ուղևորության արժեքը 150 դրամ՝ գործող 100-ի փոխարեն: Այս սակագինը գործելու է ամբողջ 2025 թվականի ընթացքում, և ինչպես քաղաքապետ Տիգրան Ավինյանը հայտարարեց՝ 150 դրամը ամեն տարի կարող է փոփոխվել առավելագույնը 10 դրամով և միայն շարունակվող բարեխումների պայմաններում: Բացի այդ, նախատեսվում է հունվար և փետրվար ամիսներին ձեռք բերված անսահմանափակ փաթեթների ժամկետները երկարեցնել ևս մեկ ամսով:
Ուժի մեջ կմնան նաև 300-ից մինչև 90 000 դրամ արժեքով փաթեթները՝ 180 րոպեանոց, օրական, շաբաթական, ամսական, եռամսյակային և տարեկան կտրվածքով հանրային տրանսպորտով անսահմանափակ երթևեկելու հնարավորությամբ։ 150 դրամ սահմանելուց հետո ընդդիմադիրները շարունակում են պնդել, որ հանրային տրանսպորտով մեկ ուղևորության համար պետք է պահպանվի 100 դրամ սակագինը: Այս որոշումից հետո նախկին քաղաքապետ Հայկ Մարությանը, ընդդիմադիր «Մայր Հայաստան»-ի ղեկավար Անդրանիկ Թևանյանը կոչ են անում բոյկոտել, վճարել միայն 100 դրամ, որպեսզի հենց 100 դրամ էլ մնա տրանսպորտի սակագինը: Հունվարի 31-ին հրավիրված է ավագանու արտահերթ նիստ՝ 150 դրամանոց ուղևորատոմս սահմանելու հարցով։ Արդյո՞ք հնարավոր է և պե՛տք է պահպանել 100 դրամ արժեքը, թե՞ կարող է ընդունելի դառնալ նաև 150 դրամը։
Factor TV-ի տաղավարում բանավեճ ենք հրավիրել, որին մասնակցում են Արման Բաբաջանյանը՝ ՔՊ խմբակցության անդամ, Հայկ Սահակյանը՝ «Հանրապետություն» խմբակցության անդամ, Վահան Ավագյանը՝ «Հանրային ձայն» խմբակցության ղեկավար, Մանուկ Սուքիասյանը՝ «Մայր Հայաստան» խմբակցության ղեկավար, Քրիստինե Վարդանյանը՝ «Ազգային առաջընթաց» խմբակցության անդամ։
Մանրամասները՝ տեսանյութում։
Ռոբերտ Անանյան
