Պետգույքի վարչության նախկին պետը թաքցրել է հողի հանցավոր ծագումը և ձևական աճուրդով օտարել իրեն․ ՔԿ

Լուրեր

20.02.2025 | 13:34
Թրամփի մեկնաբանությունները «սխալ են և վտանգավոր»․ Շոլցն ու Սթարմերը աջակցություն են հայտնել Զելենսկիին
20.02.2025 | 13:25
Բժշկական կենտրոն տեղափոխված անձը մահացել է․ քրեական ոստիկանները ճշտել են հանցագործությունը կատարած անձի ինքնությունը
20.02.2025 | 13:16
Մայիսի 1-ից վարորդների 9 տուգանային բալային համակարգից անցում կկատարվի 13 միավորի․ ՆԳ նախարար․ ՏԵՍԱՆՅՈՒԹ
20.02.2025 | 13:13
Օդի ջերմաստիճանն այսօր կնվազի 6-9, 21-22-ին՝ ևս 10-12 աստիճանով
20.02.2025 | 13:09
Այսօրվանից մեկնարկում է ՀՀ-ում ԵՄ դիտորդական առաքելության նոր մանդատը
20.02.2025 | 13:00
ՌԴ-ն հայտարարել է Կուրսկի շրջանի 64%-ն իր վերահսկողությանը վերադարձնելու մասին
20.02.2025 | 12:58
Այս խայտառակ պրակտիկան պետք է վերացնել. Սաքունցը պահանջ ներկայացրեց․ ՏԵՍԱՆՅՈՒԹ
20.02.2025 | 12:50
Կառավարությունը չարչարվում է, որ ասի՝ քաղաքացի ջան, կարող ես էս փողը ծախսել քո հայեցողությամբ․ Փաշինյան․ ՏԵՍԱՆՅՈՒԹ
20.02.2025 | 12:44
Բաքվում մեկնարկել է Արցախի ղեկավարների շինծու գործերով դատական նիստը
20.02.2025 | 12:42
Թրամփի հատուկ բանագնացն առաջին հանդիպումներն է անցկացրել Կիևում
20.02.2025 | 12:39
«Արդյո՞ք նոր իրավական ակտերով պաշտպանված են անձնական տվյալները» թեմայով ասուլիսը՝ ՈՒՂԻՂ
20.02.2025 | 12:34
ՀՀ ոստիկանության վարքն անընդունելի էր. Սաքունցը՝ բաժնում տեղի ունեցած միջադեպի մասին․ ՏԵՍԱՆՅՈՒԹ
20.02.2025 | 12:26
Ֆրանսիան և գործընկերները Կիևի կողքին են․ Մակրոն
20.02.2025 | 12:23
Կառավարության անդամների ճեպազրույցները՝ ՈՒՂԻՂ
20.02.2025 | 12:18
ՌԴ քաղաքացին քաղաքական հետապնդման պատճառով փորձել է ապաստանել ՀՀ-ում. Սաքունց․ ՏԵՍԱՆՅՈՒԹ
Բոլորը

2011-2018 թվականներին ՀՀ պետական գույքի կառավարման վարչության պետ Ա.Ս.-ն 2011-2019 թվականներին զբաղեցնելով Երևան քաղաքի հանրակրթական դպրոցի խորհրդի նախագահի պաշտոնը՝ եղբոր, ինչպես նաև այլ անձանց օժանդակությամբ, իշխանական և ծառայողական լիազորությունները կամ դրանցով պայմանավորված ազդեցությունն օգտագործելով օրինականացրել է հանցավոր ճանապարհով ձեռք բերված առանձնապես խոշոր չափերով գույք։

«Նախաքննության ընթացքում փաստական տվյալներ են ձեռք բերվել, որ Ա.Ս․-ն նպատակ ունենալով դպրոցին անհատույց օգտագործման իրավունքով հանձնված և Պետական գույքի կառավարման վարչությանն ամրացված 15.523 քմ մակերեսով պետական սեփականություն հանդիսացող հողամասից իր և իր մերձավորների համար հանցավոր ճանապարհով ձեռք բերել և օրինականացնել 1․939,029 քմ մակերեսով հողատարածքներ, Երևանի քաղաքապետարանի պաշտոնատար անձանց հետ նախապես պայմանավորվել է նշված գույքն ապօրինի առանձնացնելու եղանակով դուրս բերել պետության գույքային ֆոնդից և մտցնել Երևանի քաղաքապետարանի գույքային ֆոնդ, այնուհետև ակնհայտ հանցավոր ճանապարհով այն դուրս բերել Երևանի քաղաքապետարանի գույքային ֆոնդից և ձևականորեն մտցնել այլ անձանց գույքային ֆոնդ, որից հետո այն օտարել իրեն և իր մերձավորներին՝ այդպիսով առանց խոչընդոտների օրինականացնելով հանցավոր ճանապարհով ձեռք բերված գույքը»,- ասված է ՔԿ-ի տարածած հաղորդագրությունում։

Մասնավորապես՝ Ա.Ս.-ն դպրոցի տնօրենին առաջարկել է տարածքը բարեկարգելու պատրվակով  կատարել դպրոցի

սահմանների ճշտում և դրա տարածքից դուրս բերել նախկինում այլ անձանց կողմից ապօրինի կառուցված ավտոտնակները:

Դպրոցի տնօրենը Պետական գույքի կառավարման վարչություն է ներկայացրել Ա.Ս.-ին հասցեագրված դիմում՝ խնդրելով սահմանների ճշտման արդյունքում ավտոտնակները դուրս բերել դպրոցի տարածքից։

Ա.Ս.-ն դիմումն ուղարկել է Երևանի քաղաքապետին՝ խնդրելով հանձնարարել համապատասխան ստորաբաժանմանը կատարել հիշյալ դպրոցի սահմանների ճշտում և միևնույն ժամանակ Երևանի քաղաքապետարանի համապատասխան պաշտոնատար անձանց հետ ձեռք է բերել հանցավոր համաձայնություն, որ դպրոցի սահմաններից դուրս բերվի նաև ավտոտնակների հետ չկապված, միմյանցից անջատ դպրոցապատկան ևս երկու հողակտոր:

Արդյունքում, կեղծ գրություն-եզրակացությամբ կազմված նախագիծը հաստատվել է Երևանի քաղաքապետի որոշմամբ և թողարկվել է նոր հատակագիծ, համաձայն որի՝ հողամասի փաստացի մակերեսը կազմել է 11.761,57 քմ՝ նախկին գլխավոր հատակագծով սահմանված 15.523 քմ-ի փոխարեն:

Այնուհետև, Ա.Ս.-ն իր և Երևանի քաղաքապետարանի պաշտոնատար անձանց հանցավոր գործողությունների արդյունքում պետական սեփականություն հանդիսացող և դպրոցին անհատույց օգտագործման իրավունքով հանձնված 15.523 քմ մակերեսով հողատարածքից անհիմն նվազեցված, պետության գույքային ֆոնդից ապօրինի դուրս բերված և Երևանի քաղաքապետարանի գույքային ֆոնդ մտցված 3.851,43 քմ մակերեսով հողատարածքից 1.939,029 քմ մակերեսով հողամասի հանցավոր ծագումը թաքցնելու նպատակով՝ ձևական աճուրդների միջոցով կազմակերպել է հիշյալ հողատարածքի և դրան միացված հարակից՝ համայնքային սեփականություն հանդիսացող այլ հողատարածքների օտարումն իրեն և իր մերձավորներին։

2025 թվականի հունվարի 22-ին հսկող դատախազը հանրային քրեական հետապնդում է հարուցել Ա․Ս․-ի նկատմամբ՝ Քրեական օրենսգրքի 296-րդ հոդվածի 3-րդ մասի 2-րդ և 3-րդ կետերով (փողերի լվացումը), մեկ անձի նկատմամբ՝ 46-296-րդ հոդվածի 3-րդ մասի 2-րդ և 3-րդ կետերով (փողերի լվացմանն օժանդակելը) և 46-441-րդ հոդվածի 2-րդ մասի 5-րդ կետով (պաշտոնատար անձի կողմից իշխանական կամ ծառայողական լիազորությունները կամ դրանցով պայմանավորված ազդեցությունը չարաշահելը կամ լիազորություններն անցնելուն օժանդակելը), վեց անձի նկատմամբ՝ 46-296-րդ հոդվածի 3-րդ մասի 2-րդ և 3-րդ կետերով (փողերի լվացմանն օժանդակելը)։

Մեկ անձի նկատմամբ որպես խափանման միջոց կիրառվել է վարչական հսկողությունը, մեկ անձի նկատմամբ՝ գրավ և վարչական հսկողություն, մեկ անձի նկատմամբ՝ տնային կալանք, երկու անձի նկատմամբ՝ գրավ և տնային կալանք, երկու անձի նկատմամբ՝ վարչական հսկողություն, մեկ անձի նկատմամբ՝ վարչական հսկողություն և չբացակայելու արգելք: