06.10.2026 | 21:16
Ավանեսյանը այցելել է Շաքիում վիրավորված Անի Ավետիսյանի ընտանիքին
Կառավարությունը Հանրային խորհրդի անդամներ է նշանակել
Քաղաքականություն
30.01.2025 | 11:46
Կառավարությունն այսօր Հանրային խորհրդի անդամներ նշանակեց: Հարցն ընդգրկված էր չզեկուցվող հարցերի փաթեթում:
Հանրային խորհրդի նորանշանակ անդամներն են՝
Աղասի Զավենի Թադևոսյան
Արայիկ Էդիկի Խզմալյան
Արմեն Սերյոժայի Բալդրյան
Արմեն Աբգարի Մուրադյան
Արմինե Գեղամի Մարգարյան
Գայանե Ասքանազի Աբրահամյան
Դանիել Արայի Իոաննիսսյան
Հակոբ Շահենի Անդրեասյան
Հովիկ Զավենի Մուսայելյան
Ռոբերտ Բաբկենի Ամիրխանյան
Ռուբեն Արամի Սաֆրաստյան
Ռուբեն Արտուշի Բաբայան
Վոլոդյա Մամիկոնի Մարգարյան
Վարդան Վանիկի Մկրտչյան
Վարդան Լևոնի Ազատյան։
Հիշեցնենք, որ Հանրային խորհուրդը ստեղծվել է Մարտի 1-ի արյունալի իրադարձություններից հետո`2008 թվականի հուլիսի 12-ին: 2009 թվականի մարտի 11-ին հաստատվել է Հանրային խորհրդի կանոնադրությունը և առաջին անդամների ցանկը:
Հանրային խորհուրդն ունի խորհրդատվական մարմնի կարգավիճակ:
Հանրային խորհրդի կազմը բաղկացած է 45 անդամից, 15 անդամի, այդ թվում՝ նախագահին, նշանակում է ՀՀ կառավարությունը, մյուս 15-ը նշանակվում են ՀԿ-ների կողմից, արդեն նշանակված 30 անդամներն ընտրում են ևս 15 անդամի։
Կառույցը 2021 թվականի մայիսից չունի նախագահ, ինչպես նաև թափուր էին անդամների տեղերը:
2019 թվականի դեկտեմբերի 19-ին Ստյոպա Սաֆարյանը նշանակվել էր Հանրային խորհրդի նախագահ։ Նա այդ պաշտոնում մնաց մինչև 2021 թվականի մայիս ամիսը։ Սաֆարյանի հրաժարականի պատճառը 2021 թվականի հունիսի 20-ին արտահերթ խորհրդարանական ընտրություններին «Շիրինյան-Բաբաջանյան ժողովրդավարների դաշինք»-ի կազմում ընտրություններին մասնակցելն էր:
