10.05.2025 | 13:05
Մակրոնը, Մերցը, Տուսկն ու Ստարմերը ժամանել են Կիև
ՀՀ-ում շուրջ 1 մլն 88 հազար քաղաքացի նույնականացման քարտ ունի
Հասարակություն
24.01.2025 | 13:37
Հայաստանում 1 մլն 87 868 անձ ունի վավեր նույնականացման քարտ հունվարի 22-ի դրությամբ։ Factor.am-ի հարցմանն ի պատասխան հայտնում են ՆԳՆ Միգրացիայի և քաղաքացիության ծառայությունից։
Անձը նույնականացման քարտը ստանում է կամավոր՝ 16 տարին լրանալու օրվանից։ Ծառայությունը, սակայն, չունի տեղեկատվություն, թե նույնականացման քարտ ունեցող քաղաքացիներից քանիսն է գրանցված աշխատող։
Նշենք, որ նույնականացման քարտ ունենալը պարտադիր է գրանցված աշխատողների համար իրենց եկամուտների հայտարարագիր ՊԵԿ ներկայացնելու հարցում։ Այս պարտադիր պահանջը մտահոգությունների նոր ալիք էր բարձրացրել ինչպես հանրության շրջանում, այնպես էլ՝ քաղաքական դաշտում։ Այս շաբաթ Ազգային Ժողովում բուռն քննարկվող թեմաներից մեկը հայտարարագրման գործընթացում առաջացող տեխնիկական դժվարություններն էին։ Մասնավորապես, Արսեն Թորոսյանը դժգոհում էր նույնականացման քարտ ունենալու պարտադիր պահանջից և հորդորեց պարզեցնել հայտարագրման պրոցեսը։
Հիշեցնենք, որ բոլոր գրանցված աշխատողները մինչև մայիսի 1-ը պետք է 2024-ի եկամուտների հայտարարագիր ներկայացնեն Պետական եկամուտների կոմիտե։
Անի Թամրազյան
