25.05.2026 | 23:41
Գյումրիի արտահերթ ընտրություններ ենք իրականացնելու. Նիկոլ Փաշինյան. ՏԵՍԱՆՅՈՒԹ
ԱՀԿ-ն մեկնաբանել է կազմակերպությունից ԱՄՆ-ի դուրս գալը
Քաղաքականություն
21.01.2025 | 17:21
Առողջապահության համաշխարհային կազմակերպությունը (ԱՀԿ) ափսոսում է կազմակերպությունից դուրս գալու ԱՄՆ որոշման համար, երեքշաբթի ասել է ԱՀԿ խոսնակ Տարիկ Ժազարևիչը։
Ավելի վաղ ԱՄՆ նախագահ Դոնալդ Թրամփը հրաման էր ստորագրել Առողջապահության համաշխարհային կազմակերպությունից երկրի դուրս գալու մասին։
«Առողջապահության համաշխարհային կազմակերպությունը ցավում է, որ Ամերիկայի Միացյալ Նահանգները մտադիր է դուրս գալ կազմակերպությունից»,- ճեպազրույցում ասել է Ժազարևիչը։
Նրա խոսքով՝ կազմակերպությունը վճռորոշ դերակատարություն ունի ողջ աշխարհում մարդկանց առողջության ու անվտնագության համար, այդ թվում նաև՝ ամերիկացիների։
«Մենք հուսով ենք, որ ԱՄՆ կվերանայի իր որոշումը և անհամբերությամբ սպասում ենք կառուցողական երկխոսության՝ ԱՄՆ ու ԱՀԿ-ի միջև գործընկերության պահպանման համար՝ ի շահ ողջ աշխարհում միլիոնավոր մարդկանց առողջության ու բարեկեցության»,- հավելել է ԱՀԿ ներկայացուցիչը։
Թարգմանությունը՝ Տաթև Ֆռանգյանի
